قومی ٹیم کے معروف کے فاسٹ بولر شاہین آفریدی کا کہنا ہے کہ جب محنت کرتے ہیں تو رزلٹ اچھا ملتا ہے، بھارت نے بہترین کرکٹ کھیلی ہے۔
شاہین آفریدی نے لندن میں میڈیا سے گفتگو کرتے ہوئے کہا کہ ہمیں کرکٹ میں بہت کچھ ٹھیک کرنے کی ضرورت ہے، جو ٹیم پروسس کے ساتھ آتی ہے وہ کامیاب ہوتی ہے۔
صحافیوں نے شاہین آفریدی سے ٹیم میں سرجری سے متعلق سوال کیا گیا تو شاہین اسے گول کر گئے کہا اس حوالے سے وہ کچھ نہیں جانتے۔
دوسری جانب سابق کپتان و سوئنگ کے سلطان وسیم اکرم کا کہنا ہے کہ شاہین آفریدی کو دوبارہ کپتانی مل جائے گی۔
قومی ٹیم کے سابق کپتان وسیم اکرم نے حالیہ انٹرویو میں کہا کہ بابر اعظم کو کپتانی سے ہٹایا شاہین آفریدی کو لے کر آئے وہ ایک سیریز ہارے اس دوران چیئرمین بدلے انہوں نے کہا کپتان تبدیل کردو تو شاہین کو ہٹا دیا گیا۔
انہوں نے کہا کہ دنیائے کرکٹ میں یہ سب ہونے پر لوگ ہم پر ہنستے ہیں۔
وسیم اکرم نے کہا کہ اگر شاہین آفریدی کو کپتان بنایا تھا تو اس بچے کو ایک سال تو دینا چاہیے تھا پھر آپ کپتان تبدیل کردیتے۔
سابق کپتان نے کہا کہ ہم سے تو یہ پوچھتے نہیں ہیں اچھا ہی ہے کہ ہم پاکستان کرکٹ سے دور ہیں۔
ایک سوال کے جواب میں وسیم اکرم نے کہا کہ شاہین آفریدی وکٹ ٹیکنگ بولر ہیں خاص طور پر نئی گیند سے وہ وکٹیں حاصل کرتے ہیں۔
روہت کی ریٹائرمنٹ پر کیا کپتانی آپ کو ملنے والی ہے؟ ہاردک پانڈیا نے بتادیا
انہوں نے کہا کہ سب کو پتا ہے کہ شاہین آفریدی آگے گیند یا پھر یارکر کریں گے پھر بھی وہ وکٹ لیتے ہیں۔
