پاکستانی کرکٹ ٹیم کے فاسٹ بولر اور شائقین کرکٹ کے ہردلعزیز کھلاڑی شاہین آفریدی اپنے ننھے بیٹے عالیار کو گراؤنڈ میں لے آئے، جس کی تصاویر سوشل میڈیا پر وائرل ہوگئیں۔
کراچی کنگز اور لاہور قلندرز کے درمیان حال ہی میں ہونے والے پی ایس ایل کے میچ کے بعد گراؤنڈ میں دلچسپ مناظر دیکھنے کو ملے جسے کمیرے نے محفوظ کرلیا۔
لاہور قلندرز نے شاہین آفریدی کی کپتانی میں کراچی کنگز کو 65 رنز سے دلچسپ مقابلے کے بعد شکست دے دی تھی۔
View this post on Instagram
شاہین آفریدی اس موقع پر اپنے قریبی دوست کراچی کنگز کے نائب کپتان حسن علی سے اپنے بیٹے کو ملوانے کے لیے گراؤنڈ میں لے کر پہنچ گئے۔
یہ مناظر نا صرف پاکستانی سوشل میڈیا ویب سائٹس پر نظر آئے بلکہ بھارتی میڈیا نے بھی شاہین کو ان کے بیٹے عالیار کے ساتھ خوب کور کیا۔
شاہین آفریدی نے بیٹے کی پہلی جھلک مداحوں کو دکھا دی
یہ پہلا موقع تھا جب شاہین جب شاہین اپنے بیٹے کو کیمرے کے سامنے لے آئے۔
شاہین کے سسر، شاہد آفریدی عرف بوم بوم لالہ بھی سوشل میڈیا پر عالیار کے چہرے کو صارفین سے چھپاتے رہے ہیں۔ تاہم اب اُن کے داماد نے خود نے اپنے بیٹے کی منہ دکھائی کرادی۔
