قومی ٹیم کے فاسٹ بولر شاہین شاہ آفریدی کی نیویارک میں بھارتی کرکٹ شائقین کے ساتھ ویڈیو وائرل ہوگئی۔
سماجی رابطے کی ویب سائٹ ایکس (ٹوئٹر) پر ویڈیو وائرل ہورہی ہے جس میں دیکھا جاسکتا ہے کہ شاہین آفریدی ہوٹل کے باہر نیویارک ٹائمز اسکوائر کے قریب بھارتی مداحوں کے ساتھ بیٹھے ہوئے ہیں وہ ان کے ساتھ گفتگو کررہے ہیں۔
ایک مداح کہنا تھا کہ شاہین پلیز بھارت کے خلاف اچھی بولنگ نہ کرنا۔‘
دوسرا شخص کہتا ہے کہ شاہین کوہلی اور روہت شرما کو اپنا اچھا دوست سمجھنا ہے۔‘
ویڈیو میں شاہین آفریدی بھارتی مداحوں کی خواہشات پر مسکراتے رہے اور تصاویر بنواتے رہے۔
واضح رہے کہ ٹی 20 ورلڈ کپ میں اہم میچ میں کل پاکستان اور بھارت کی ٹیمیں نیویارک کے نساؤ کاؤنٹی کرکٹ اسٹیڈیم میں ٹکرائیں گی۔
