پاکستان کے اسپیڈ اسٹار شاہین شاہ آفریدی کا انٹرنیشنل لیگ ٹی 20 میں تین سالہ معاہدہ ہو گیا ہے جس کے دوسرے سیزن میں وہ ڈیزرٹ وائپرز کے لیے ایکشن میں دکھائی دیں گے۔
اے آر وائی نیوز کے مطابق پاکستان کے اسپیڈ اسٹار شاہین شاہ آفریدی کا انٹرنیشنل لیگ ٹی 20 میں تین سالہ معاہدہ ہو گیا ہے جس کے دوسرے سیزن میں وہ ڈیزرٹ وائپرز کے لیے ایکشن میں دکھائی دیں گے۔
ڈیزرٹ وائپرز گزشتہ آئی ایل ٹی ٹوئنٹی میں رنر اپ اور دوسرے ایڈیشن کیلیے شاہین شاہ آفریدی کی خدمات حاصل کرنے کیلیے بیتاب تھی۔ یہ لیگ آئندہ سال جنوری میں شائقین کی توجہ کا مرکز بنے گی۔
#DPWorldILT20 Season 2 just got a lot hotter! pic.twitter.com/z9IErwS7fM
— International League T20 (@ILT20Official) August 14, 2023
شاہین آفریدی کا کہنا ہے کہ ڈیزرٹ وائپرز کا حصہ بن کر پرجوش ہوں۔ یو اے ای میں پاکستانی شائقین کی بہت بڑی تعداد موجود ہے، امید ہے کہ میری ٹیم کو بھی وہاں بھرپور سپورٹ ملے گی۔
Soon to be – '
Can't wait to see you in ❤️ , @iShaheenAfridi #DesertVipers #ShaheenShahAfridi pic.twitter.com/iuaqLxIr13
— Desert Vipers (@TheDesertVipers) August 14, 2023
وائپرز کے ڈائریکٹر کرکٹ ٹام موڈی کا کہنا ہے کہ شاہین شاہ آفریدی شاندار بولر ہیں، پیسر کسی بھی ٹیم کی ٹاپ آرڈر کو تباہ کرنے کی حیران کن صلاحیت رکھتے ہیں، ٹیم قیادت میں ان کا تجربہ بھی کار آمد ثابت ہوسکتا ہے، ڈیزرٹ وائپرز کو اسکواڈ کو ان کی موجودگی سے بڑی تقویت ملے گی۔
واضح رہے کہ سابق چیئرمین پی سی بی منیجمنٹ کمیٹی رمیز راجا کے دور میں قومی کرکٹرز کو این او سی جاری نہیں کیا گیا تھا جس کے باعث وہ آئی ٹی ایل کا پہلا سیزن نہیں کھیل سکے تھے۔
