لاہور قلندرز کے کپتان شاہین آفریدی نے پی ایس ایل کے میچ میں بہترین بلے بازی کرنے پر کوئٹہ گلیڈی ایٹرز کے خواجہ نافع کو تحفہ دیا۔
گزشتہ روز ہونے والے پاکستان سپر لیگ 9 کے چوتھے میچ میں کوئٹہ گلیڈی ایٹرز نے لاہور قلندرز کو 5 وکٹوں سے ہرا دیا تھا۔
کوئٹہ گلیڈی ایٹرز کے جارح مزاج بیٹر خواجہ نافع پاکستان سپر لیگ کی تاریخ کے پہلے بلے باز بن گئے جنھوں نے 30 سے زائد گیندوں کا سامنا کرتے ہوئے صرف ایک ڈاٹ بال کھیلی۔
انھوں نے اپنی اننگز کے دوران 31 بالز کا سامنا کیا اور سوائے ایک بال کے ہر گیند پر رن اسکور کیا۔ ان کی شاندار اننگز میں 3 چھکے اور 4 چوکے بھی شامل تھے۔
نوجوان بیٹر پی ایس ایل کے 9 ایڈیشن میں اب تک کے ایسے پہلے بلے باز بنے جنھوں نے 30 گیندوں سے زائد کی اننگز کے دوران صرف ایک بار بال ضائع کی اور اسے ڈاٹ کی صورت میں کھیلا۔
قذافی اسٹیڈیم میں کھیلے گئے میچ میں لاہور قلندرز کی جانب دیا گیا 188 رنز کا ہدف کوئٹہ گلیڈی ایٹرز نے آخری اوور میں 5 وکٹوں کے نقصان پر حاصل کیا۔
تاہم میچ کے بعد لاہور قلندرز کے کپتان شاہین آفریدی نے شاندار بیٹنگ پر اپنا بیٹ خواجہ نافع کو گفٹ کردیا۔
🤝👏🏼 @iShaheenAfridi 🇵🇰
Pakistan T20 and @lahoreqalandars captain Shaheenshah Afridi gifts his match bat to @nafay__k for his amazing match-winning innings! #QGvLQ #PurpleForce pic.twitter.com/pASBQkcRPX
— Quetta Gladiators (@TeamQuetta) February 19, 2024
سوشل میڈیا پر ویڈیو پیغام جاری کرتے ہوئے خواجہ نافع نے کہا کہ شاہین آفریدی نے اس اننگز پر مجھے بیٹ دیا،امید ہے آئندہ بھی اس طرح کی اننگز کھیلتا رہوں گا۔
