بنگلورو: پاکستان کرکٹ ٹیم کے فاسٹ بولر شاہین شاہ آفریدی نے اعتراف کیا کہ میری لائن و لینتھ اچھی نہیں ہورہی۔
شاہین شاہ آفریدی نے میچ سے قبل دیے گئے بیان میں کہا کہ انجریز کھیل کا حصہ ہے لیکن میں اپنی پوری کوشش کررہاہوں اچھی کارکردگی دوں۔
اپنی بولنگ پرفارمنس پر بات کرتے ہوئے شاہین شاہ نے کہا کہ جیسا کھیلتا آیا ہوں ویسے ہی کھیل رہاہوں، کچھ الگ سے کرنے کی کوشش نہیں کی، میری لائن و لینتھ اچھی نہیں ہورہی، کوشش ہوتی ہے جو ٹیم کی ڈیمانڈ ہو اس کے مطابق کھیلوں۔
فاسٹ بولر نے مزید کہا کہ آج کے میچ میں اچھی پرفارمنس دینے کی کوشش کریں گے، یہ میچ ہمارے لیے اہم ہے اور جیتنے کی کوشش کریں گے۔
شاہین شاہ آفریدی کا کہنا تھا کہ بھارت کے خلاف میچ ایک میچ ہی تھا ایک میچ سے ہم اوپر نیچے نہیں ہوتے، ہمارے پاس اس وقت بہترین بولر ہیں۔
