قومی ٹیم کے فاسٹ بولر شاہین آفریدی نے پہلے اوور میں وکٹ لینے کا عمر گل کا ریکارڈ برابر کردیا۔
قذافی اسٹیڈیم میں کھیلے جارہے نیوزی لینڈ کے خلاف پہلے ون ڈے میچ میں فاسٹ بولر شاہین آفریدی نے چوتھی گیند پر ول یونگ کی وکٹ حاصل کرکے عمر گل کا ریکارڈ برابر کیا۔
شاہین آفریدی نے میچ کے پہلے اوور کی چوتھی گیند پر ول یونگ کو کیچ آؤٹ کروایا۔
اس وکٹ کے ساتھ ہی عمر گل اور شاہین آفریدی پہلے اوور میں 9، 9 وکٹیں حاصل کرلی ہیں جبکہ محمد عرفان اور وسیم اکرم نے کیریئر کے پہلے اوور میں 10، 10 وکٹیں حاصل کیں۔
میچ میں کین ولیمسن اور ڈیرل مچل نے 95 رنز کی شاندار شراکت قائم کی اور ٹیم کا اسکور آگے بڑھانے میں اہم کردار ادا کیا۔
شاہین آفریدی نے 27ویں اوور میں کین ولیمسن کی وکٹ حاصل کرکے پارٹنر شپ توڑی۔
اس کے بعد فاسٹ بولر حارث رؤف نے اگلے اوور میں وکٹ کیپر بیٹر ٹام لیتھم کو صفر پر پویلین کی راہ دکھائی۔
نیوزی لینڈ نے 37.4 اوورز میں 5 وکٹوں کے نقصان پر 200 رنز بنالیے ہیں، نیوزی لینڈ کی جانب سے ڈیرل مچل اور کین ولیمسن نے شاندار نصف سنچریاں اسکور کیں۔
