کراچی: قومی ٹیم کے فاسٹ بولر شاہین شاہ آفریدی کا انگلش کاؤنٹی مڈل سکس کے ساتھ معاہدہ ہوگیا۔
تفصیلات کے مطابق قومی ٹیم کے نوجوان فاسٹ بولر شاہین شاہ آفریدی آئندہ سیزن میں انگلش کاؤنٹی مڈل سکس کی نمائندگی کریں گے، فاسٹ بولر پورے ایونٹ کے لیے کلب کو دستیاب ہوں گے۔
مڈل سکس کے چیف ایگزیکٹو اینڈریو کورنش کا کہنا ہے کہ شاہین آفریدی ورلڈ کلاس بولر ہیں ان کی شمولیت سے ٹیم کو فائدہ ہوگا۔
شاہین شاہ آفریدی کا کہنا ہے کہ مڈل سکس کے لیے کھیلنا کسی خواب سے کم نہیں ہے۔
🚨 | BREAKING NEWS
The Club are thrilled to announce the signing of Pakistan quick @iShaheenAfridi for the 2022 season!We look forward to having Shaheen on board at @HomeOfCricket 🙌
READ MORE ⬇️ | #OneMiddlesex
— Middlesex Cricket (@Middlesex_CCC) October 6, 2021
واضح رہے کہ شاہین آفریدی نے 19 ٹیسٹ، 28 ون ڈے انٹرنیشنل اور 30 ٹی ٹوینٹی میچز میں ملک کی نمائندگی کی ہے۔
یاد رہے کہ گزشتہ سال فاسٹ بولر شاہین شاہ آفریدی نے وائٹلٹی بلاسٹ میں ہمپشائر کی نمائندگی کرتے ہوئے 6 وکٹیں حاصل کی تھیں اور میچ کے بہترین کھلاڑی قرار پائے تھے۔
The historic @Middlesex_CCC and Lords the home of cricket – it is going to get excited. Absolutely delighted to join the #OneMiddlesex family. #Alhumdulillah #TheEagle #Hope pic.twitter.com/J3uAoCFjAo
— Shaheen Shah Afridi (@iShaheenAfridi) October 6, 2021
فاسٹ بولر نے مڈل سکس کے خلاف 4 گیندوں پر چار وکٹیں حاصل کی تھیں، انہوں نے مقررہ 4 اوورز میں 19 رنز دے کر 6 کھلاڑیوں کو پویلین کی راہ دکھائی تھی۔
شاہین آفریدی نے تمام کھلاڑیوں کو کلین بولڈ کیا تھا، پاکستان کرکٹ بورڈ (پی سی بی) نے شاہین آفریدی کی بولنگ کی ویڈیو سماجی رابطے کی ویب سائٹ ٹویٹر پر شیئر کی تھی۔
Stumps = 🤸♂️pic.twitter.com/4UZNfuZa4Y
— Pakistan Cricket (@TheRealPCB) September 20, 2020
