پاکستان کرکٹ ٹیم کے اسٹار فاسٹ بولر شاہین شاہ آفریدی نے قومی ٹیم میں جاری گروپنگ کی خبروں پر بالآخر خاموشی توڑ دی۔
پاکستان کرکٹ ٹیم کے اسٹار فاسٹ بولر شاہین شاہ آفریدی نے کراچی میں میڈیا سے گفتگو کرتے ہوئے ٹیم میں اختلافات اور گروپنگ کی خبروں پر اپنی خاموشی توڑتے ہوئے کہا ہے کہ میری تربیت ایسی نہیں کہ ٹیم مفاد کے خلاف کچھ کروں۔
شاہین شاہ آفریدی نے نے کہا کہ میں ہمیشہ ملک کے لیے کھیلتا اور میدان میں مخالف ٹیم سے فائٹ کرتا ہوں، منفی چیزیں کبھی ٹیم میں نہیں لاتا۔
فاسٹ بولر نے آئندہ ماہ بنگلہ دیش کے خلاف دو ٹیسٹ میچز کی سیریز میں انہیں آرام دینے کے حوالے سے خبروں پر کہا کہ میں نے ٹیسٹ سیریز کے لیے اپنی دستیابی ظاہر کر دی ہے۔ اب مجھے نہیں معلوم کہ میں بنگلہ دیش کے خلاف ٹیسٹ سیریز کھیل رہا ہوں یا ڈراپ ہو رہا ہوں۔
واضح رہے کہ گزشتہ ماہ آئی سی سی ٹی ٹوئنٹی ورلڈ کپ میں پاکستان کی شرمناک کارکردگی کے بعد قومی ٹیم پر تنقید کا سلسلہ جاری ہونے کے ساتھ کھلاڑیوں میں گروپنگ اور اختلافات کی خبریں بھی میڈیا میں گردش کر رہی ہیں۔
