کوفتے گھر کے تمام افراد ذوق و شوق سے کھاتے ہیں۔ اسے مختلف طریقوں سے بنایا جاتا ہے جن میں نرگسی کوفتوں کی قسم نہایت عام ہے، آج ہم آپ مزیدار شاہی کوفتے بنانے کی ترکیب بتا رہے ہیں۔
اجزا
گائے کا قیمہ: آدھا کلو
ادرک لہسن کا پیسٹ: 1 کھانے کا چمچ
لال مرچ پاؤڈر: 1 کھانے کا چمچ
کاجو: 1 چائے کا چمچ
بادام: 1 چائے کا چمچ
مونگ پھلی پسی ہوئی: 1 چائے کا چمچ
کھوپرا پسا ہوا: 1 کھانے کا چمچ
بھنے چنے پسے ہوئے: 1 کھانے کا چمچ
خشخاش: 1 چائے کا چمچ
دہی: آدھا کپ
پیاز: 1 عدد
ہلدی پاؤڈر: 1 چائے کا چمچ
دھنیا پاؤڈر: 1 چائے کا چمچ
نمک: حسب ذائقہ
تیل: حسب ضرورت
ترکیب
سب سے پہلے پین میں تیل گرم کر کے پیاز ڈال کر فرائی کریں۔
نمک، ادرک لہسن پیسٹ، لال مرچ پاؤڈر، ہلدی پاؤڈر اور دھنیا پاؤڈر ڈال کر بھونیں اور دہی شامل کر کے گریوی بنالیں۔
پیالے میں قیمہ، بھنے چنے، خشخاش، کھوپرا، مونگ پھلی، کاجو، نمک اور بادام شامل کریں اور مکس کر کے کوفتہ بنالیں۔
فرائی پین میں تیل گرم کر کے ہلکا سا فرائی کرکے گریوی میں شامل کرلیں۔
سرونگ ڈش میں نکال کر سرو کریں۔
