پاکستان میں پکوڑے افطار کا جزو لازم ہیں لہٰذا خواتین اس میں نئی نئی اختراعات کرتی رہتی ہیں، آج آپ کو شاہی پکوڑے بنانے کی ترکیب بتائی جارہی ہے۔
اجزا
بریڈ یا نان
بیسن
پیاز (باریک کٹی ہوئی)
سبز مرچیں
دھنیہ
انار دانہ
ترکیب
اپنی مرضی سے حسب ضرورت بریڈ کے پیس لے لیں اور پھر ایک سلائس کے دو یا چار پیس کاٹ لیں۔
اب چاہیں تو بیسن کا سادہ آمیزہ نمک مرچ مصالحے ڈال کر بنا لیں ورنہ دوسری صورت بیسن میں باریک کٹی ہوئی پیاز، سبز مرچیں، نمک، سرخ مرچیں، دھنیہ اور انار دانہ حسب ضرورت ڈال کر آمیزہ تیار کرلیں۔
آمیزہ تیار کرنے کے بعد اس میں کٹے ہوئے بریڈ سلائس کو ڈبو کر ڈیپ فرائی کرلیں۔
مزیدار شاہی پکوڑے تیار ہیں، چٹنی اور کیچپ کے ساتھ افطار میں سرو کریں۔
بریڈ موجود نہ ہونے کی صورت میں نان کے پیس لے کر اس سے بھی شاہی پکوڑے بنائے جا سکتے ہیں۔
