The news is by your side.

شاہد آفریدی نے ٹی ٹوئنٹی کھلاڑی کے سلیکشن کا نیا طریقہ کار متعارف کرادیا

کراچی: پاکستان کرکٹ بورڈ کی عبوری سلیکشن کمیٹی کے سربراہ شاہد آفریدی  نے کہا ہے کہ ڈومیسٹک اور ٹی ٹوئنٹی کیلئے وہ کھلاڑی منتخب نہیں ہوگا جس کا اسٹرائیک ریٹ  130 یا 135 سے اوپر نہ ہو۔

نجی ٹی وی چینل سے گفتگو کرتے ہوئے سلیکشن کمیٹی کے سربراہ شاہد آفریدی کا کہنا تھا کہ بطور چیف سلیکٹر یہ کام مشکل ہے، مینجمنٹ اور کھلاڑیوں سے براہ راست رابطے میں ہوں۔

انکا کہنا تھا کہ میں کئی کھلاڑیوں سے رابطے میں ہوں، یہ ایک مشکل جاب ہے، اس کرسی پر بیٹھ کر ہر ایک کو خوش کرنا بہت مشکل کام ہے۔

شاہد آفریدی کا کہنا تھا کہ ڈومیسٹک اور ٹی ٹوئنٹی کرکٹ کے لیے میں نے کہہ دیا ہے کہ وہ کھلاڑی منتخب نہیں کیا جائے گا جس کا اسٹرائیک ریٹ 130 یا 135 سے اوپر نہ ہو۔

سلیکشن کمیٹی کے سربراہ کا کہنا تھا کہ ایک اچھی بات یہ ہے کہ ٹیم اور سلیکشن کمیٹی کے درمیان ایک اچھی اینڈرسٹینڈنگ پیدا ہورہے ہے۔

نیوزی لینڈ  کے خلاف ٹیسٹ کیلئے تیار کی گئی پچز پر بات کرتے ہوئے شاہد آفریدی کا کہنا تھا  ابھی بھی پچز سے مطمئن نہیں ہوں، میں نے گراؤنڈ مین سے کہا تھا کہ مجھے باؤنسی ٹریک چاہیے آپ تیار کرسکتے ہیں جس پر انہوں نے  کہا کہ ہم تیار کرلیں گے۔

Comments

یہ بھی پڑھیں