کراچی: بوم بوم آفریدی اپنے آخری پی ایس ایل میں کوئٹہ گلیڈی ایٹرز کی نمائندگی کے خواہاں ہیں۔
تفصیلات کے مطابق قومی کرکٹ ٹیم کے سابق کپتان اور مایہ ناز آل راؤنڈر شاہد خان آفریدی نے ایک ٹی وی شو میں اپنی خواہش کا اظہار کیا کہ میں اپنے آخری پی ایس ایل میں کوئٹہ گلیڈی ایٹرز کی نمائندگی کرنا چاہتا ہوں۔
شاہد آفریدی نے پاکستان سپر لیگ کے سیزن 6 میں ملتان سلطانز کی نمائندگی کی، تاہم ابوظبی میں انجری کے باعث پی ایس ایل کے بقیہ میچز کے لیے ملتان سلطانز جارحانہ بلے بازی کرنے والے کھلاڑی سے محروم ہو گئی تھی۔
شاہد آفریدی کا کہنا تھا کہ ابھی تو وہ ملتان سلطانز کا حصہ ہیں، تاہم اگر فرنچائز انھیں اجازت دے تو وہ اپنے آخری پی ایس ایل میں کوئٹہ گلیڈی ایٹرز کی نمائندگی کرنا چاہیں گے۔
ملتان سلطانزنے پہلی بار پاکستان سپرلیگ کا ٹائٹل اپنے نام کرلیا
واضح رہے کہ ابوظبی کے شیخ زید اسٹیڈیم میں گزشتہ روز کھیلے جانے والے پی ایس ایل کے فائنل میں ملتان سلطانز نے پشاور زلمی کو 47 رنز سے شکست دے کر پہلی بار پی ایس ایل کا ٹائٹل اپنے نام کر لیا ہے۔
فائنل میچ میں پشاور زلمی کی ٹیم سلطانز کی جانب سے دیے جانے والے 207 رنز کے تعاقب میں مقررہ اوورز میں 9 وکٹوں کے نقصان پر صرف 159 رنز بنا کر ہار گئی تھی۔
