قومی ٹیم کے سابق کپتان شاہد آفریدی بھی آئرلینڈ کے خلاف اسٹرائیک ریٹ پر بول پڑے۔
سماجی رابطے کی ویب سائٹ ایکس پر سابق کپتان شاہد آفریدی نے لکھا کہ ہمیں ورلڈ کپ میں بھی اسی مائنڈ سیٹ کی ضرورت ہے زیادہ تر بیٹرز کو اسی اسٹرائیک ریٹ کے ساتھ کھیلنا ہے۔
انہوں نے لکھا کہ ہمیں آئرلینڈ کے خلاف اس جیت کی ضرورت تھی، ویل ڈن ٹیم، خاص طور پر جس طرح رضوان اور فخر زمان کھیلے ہیں۔
- Advertisement -
شاہد آفریدی نے اپنے داماد اور فاسٹ بولر شاہین آفریدی کو 300 انٹرنیشنل وکٹیں لینے پر مبارکباد بھی پیش کی۔
واضح رہے کہ گزشتہ روز پاکستان نے آئرلینڈ کو 7 وکٹوں سے شکست دے کر تین میچوں سیریز 1-1 سے برابر کردی، پہلے میچ میں آئرلینڈ نے پاکستان کو 5 وکٹوں سے ہرایا تھا۔
پاکستان اور آئرلینڈ کے درمیان سیریز کا تیسرا اور آخری ٹی 20 میچ کل کھیلا جائے گا۔
