تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

شاہد آفریدی نے ہونیوالے داماد کے چھکے چھڑا دیے، ویڈیو

شاہین شاہ کل شاہد آفریدی کی بیٹی کے ساتھ نکاح کے بندھن میں بندھ جائیں گے لیکن شادی سے قبل بوم بوم آفریدی نے ہونے والے داماد کے چھکے چھڑا دیے۔

اپنی جارحانہ بلے بازی سے دنیا کے بڑے بڑے بولرز کے چھکے چھڑانے والے سابق کپتان شاہد آفریدی نے اپنے ہونے والے داماد کے جس میدان میں چھکے چھڑائے وہ کوئی بین الاقوامی کرکٹ گراؤنڈ نہیں بلکہ کسی علاقے کا ایک میدان ہے جہاں پریکٹس کے دوران شاہد آفریدی نے شاہین شاہ کی بالنگ پر بلند وبالا چھکا رسید کردیا۔

سسر اور داماد کے اس ٹکراؤ کی ویڈیو سوشل میڈیا پر وائرل ہوگئی جس کو دیکھ کر صارفین محظوظ ہو رہے ہیں۔

سوشل میڈیا پر وائرل ہونے والی ویڈیو میں دیکھا گیا کہ شاہد آفریدی اور شاہین ایک میدان میں پریکٹس کر رہے ہیں۔ اس دوران سابق کپتان پیڈ اور ہیلمٹ پہننے ہوئے شاہین کی گیند کا سامنے کرتے ہیں اور نوجوان فاسٹ بولر نے جیسے ہی گیند کروائی آفریدی نے لمحوں میں اسے ایک بلند وبالا چھکے میں تبدیل کردیا۔

شاہد آفریدی نے سوشل میڈیا پر پریکٹس کی ویڈیو شیئر کرتے ہوئے لکھا کہ ‘شاہین شاہ فارم میں لگ رہے ہیں مگر میں نے پھر بھی اُن کو چھکا جڑ دیا ‘۔

سسر کے اس انداز تخاطب کا ہونے والے داماد نے انتہائی مودب اور محبت بھرے انداز میں جواب دیتے ہوئے لکھا کہ ‘ آپ کے ساتھ کھیلنا ہمیشہ اچھا لگتا ہے مگر یہ آؤٹ تھا’۔

یاد رہے کہ شاہین شاہ آفریدی تین فروری کو شاہد آفریدی کی بیٹی انشا سے نکاح کے بندھن میں بندھ جائیں گے۔

یہ بھی پڑھیں: شاہین شاہ آفریدی اپنی شادی میں کس کس کو بلائیں گے؟ پیسر نے بتا دیا

خاندانی ذرائع کے مطابق نکاح کی یہ سادہ مگر پروقار تقریب کراچی میں ہوگی جب کہ رخصتی بعد میں ہوگی۔

Comments

- Advertisement -
ریحان خان
ریحان خان
ریحان خان کو کوچہٌ صحافت میں 25 سال ہوچکے ہیں اور ا ن دنوں اے آر وائی نیوز سے وابستہ ہیں۔ملکی سیاست، معاشرتی مسائل اور اسپورٹس پر اظہار خیال کرتے ہیں۔ قارئین اپنی رائے اور تجاویز کے لیے ای میل [email protected] پر بھی رابطہ کر سکتے ہیں۔