کراچی: قومی کرکٹ ٹیم کے سابق کپتان اور اسٹار آل راؤنڈر شاہد خان آفریدی نے کہا ہے کہ چیف جسٹس میاں ثاقب نثار کو شاباش وہ بہترین طریقے سے عوام کی خدمت کررہے ہیں۔
ان خیالات کا اظہار انہوں نے سماجی رابطے کی ویب سائٹ ٹویٹر پر اپنے پیغام میں کیا، شاہد آفریدی نے کہا کہ چیف جسٹس کے اچانک دوروں سے کافی بہتری آئی ہے۔
شاہد آفریدی نے کہا کہ چیف جسٹس ثاقب نثار نچلے کورٹس کا بھی ایسے اچانک دورہ کریں تاکہ ان کے ادارے کی کالی بھیڑوں کو ٹھکانے لگایا جاسکے۔
چیف جسٹس میاں ثاقب نثار صاحب کو شاباش .جس بہترین طریقے سے وہ عوام کی خدمت کر رہے ہیں وہ قابل تحسین ہے۔ انکے اچانک دورں سے کافی بہتری آئی ہے مگر ایک مشورہ بھی ہے کہ اگر ٹائم نکال کر وہ نچلے کورٹس کا بھی ایسے اچانک دورہ کرسکیں تاکہ انکے ادارے کی کالی بھیڑوں کو ٹھکانے لگیا جاسکے https://t.co/JPdQQdWAII
— Shahid Afridi (@SAfridiOfficial) June 6, 2018
شاہد آفریدی کے ٹویٹ کو صارفین کی جانب سے سراہا گیا، ایک صارف نے کہا کہ چیف جسٹس ثاقب نثار یقیناً ایمانداری سے کام کررہے ہیں، ہم انہیں خراج تحسین پیش کرتے ہیں، انشاء اللہ تبدیلی آئے گی۔
ایک اور صارف نے کہا کہ شاہد آفریدی نے بالکل صحیح کہا ہے جہاں چیف جسٹس اسپتالوں کا دورہ کررہے ہیں وہیں ان کو مختلف عدالتوں میں التواء کا شکار ہونے والے کیسز پر بھی نظر ڈالنی چاہئے۔
واضح رہے کہ چیف جسٹس میاں ثاقب نثار مختلف اسپتالوں کا دورہ کررہے ہیں وہ وہاں کی ابتر صورتحال پر اظہار برہمی کررہے ہیں اور اسپتال کی حالت زار بہتر ہونے پر انہوں نے کراچی کے جناح اسپتال میں ایک لاکھ روپے کا چیک بھی پیش کیا تھا۔
خیال رہے کہ چیف جسٹس نے کراچی سینٹرل جیل کا دورہ بھی کیا تھا اور قیدیوں سے معلومات حاصل کی تھیں جب جیل میں قیدیوں کو ملنے والے کھانے کو کھا کر چیک کیا تھا۔
