لاہور : پاکستان کرکٹ ٹیم کے سابق کپتان شاہد آفریدی نے کشمیریوں سے اظہار یکجہتی کے لئے ایل او سی کے دورے کا اعلان کرتے ہوئے جمعے کو عوام سے مزار قائد پر جمع ہونے کی اپیل کردی۔
تفصیلات کے مطابق پاکستان کرکٹ ٹیم کے سابق کپتان شاہد آفریدی نے سماجی رابطے کی ویب سائٹ ٹوئٹر پر اپنے پیغام میں کہا وزیراعظم کی اپیل پر جمعے کو مزار قائد پر کشمیریوں سے اظہار یکجہتی کریں گے ، عوام سے اپیل ہے کہ جمعے کو مزارقائد پر جمع ہوں۔
شاہد آفریدی نے کشمیریوں سے اظہار یکجہتی کے لیے جلد ایل او سی کےدورے کا اعلان کرتے ہوئے کہا 6ستمبر کو ایل او سی پر شہید ہونے والوں کے لواحقین سے ملاقات کریں گے۔
Let’s respond to PM call for Kashmir Hour as a nation. I will be at Mazar e Quaid at 12 pm on Friday. Join me to express solidarity with our Kashmiri brethren.
On 6 Sep I will visit home of a Shaheed. I will soon be visiting LOC.— Shahid Afridi (@SAfridiOfficial) August 28, 2019
یاد رہے وزیراعظم عمران خان نے قوم سے خطاب میں کہا تھا کہ آخری سانس تک کشمیریوں کا ساتھ دیں گے، پاکستان کا ’’کشمیر پالیسی ‘‘پر فیصلے کا وقت آگیا ہے ، پاکستان کشمیر کے لیےہر حد اور ہر سطح تک جائےگا، اس جمعے سے ہر ہفتے آدھا گھنٹہ کشمیری بھائیوں کے نام کریں گے۔
خیال رہے گذشتہ روز پاکستانی نژاد باکسر عامر خان نے کشمیریوں سے اظہار یکجہتی کے لیے ایل او سی کا دورہ کیا تھا، باکسرعامرخان کا کہنا تھا کہ لائن آف کنٹرول کےچکوٹھی سیکٹرکاآج دورہ کیا، کشمیری عوام کی پریشانیاں ختم ہونی چاہئیں، مسئلہ کشمیرکاپرامن حل جلدازجلدنکالاجائے۔
دورے کے بعد باکسر عامر خان نے پاک فوج اورڈی جی آئی ایس پی آر کا شکریہ ادا کیا۔
