کراچی: قومی ٹیم کے سابق کپتان شاہد آفریدی نے بیٹی اجوا کی سالگرہ پر محبت بھرا پیغام شیئر کردیا۔
قومی ٹیم کے سابق کپتان شاہد خان آفریدی نے فوٹو اور ویڈیو شیئرنگ ایپ انسٹاگرام پر اپنی تیسری بیٹی اجوا کی سالگرہ کی تصاویر شیئر کیں جنہیں مداحوں کی جانب سے خوب سراہا جارہا ہے۔
شاہد آفریدی نے بیٹی کی سالگرہ کے موقع پر محبت بھرا پیغام بھی شیئر کیا۔
انہوں نے لکھا کہ ’میری تیسری بیٹی اور میری آنکھ کا تارہ اجوا کو سالگرہ کی بہت بہت مبارک ہو۔
شاہد آفریدی نے لکھا کہ ’آپ کے ساتھ سالگرہ کا دن گزارنے کے لیے وقت پر گھر واپس آکر بہت خوشی ہوئی، دعا ہے کہ اللہ رب العزت آپ کو ہر خوشی عطا کرے۔
View this post on Instagram
سابق کپتان نے آخر میں بیٹی کو دعا دیتے ہوئے محبت کا اظہار کیا۔
شاہد آفریدی نے گزشتہ روز بیٹی کی سالگرہ کی تصاویر شیئر کیں جنہیں اب تک لاکھوں افراد دیکھ چکے ہیں اور مداحوں کی جانب سے اجوا کو دعائیں دی جارہی ہیں۔
واضح رہے کہ شاہد آفریدی 5 بیٹیوں کے والد ہیں، ان کی سب سے چھوٹی بیٹی عروہ نے 15 فروری 2021 کو اپنی پہلی سالگرہ منائی تھی۔
