پاکستانی کرکٹ ٹیم کے سابق کپتان اور جارح مزاج بلے باز شاہد آفریدی نے میٹھی عید کے موقع پر نئی پوسٹ شیئر کی ہے۔
انسٹاگرام پر شاہد آفریدی نے گھر میں پرسکون ماحول میں بیٹھے ہوئے ایک تصویر شیئر کی ہے، سابق کرکٹرز کی جانب سے اس پوسٹ کو ’فیملی ٹائم‘ کا کیپشن دیا گیا ہے۔
سابق کپتان کی نئی پوسٹ کی دوسری تصویر میں وہ اپنی بیٹی کے ساتھ بیٹھے ہوئے ہیں، تیسری تصویر میں خوبصورت کیک جبکہ چوتھی تصویر میں بار بی کیو کرنے میں مصروف ہیں۔
سابق کپتان کی اس پوسٹ پر مداح اپنی پسندیدہ شخصیت کو عید کی مبارکباد دینے میں مصروف ہیں۔
بعض سوشل میڈیا صارفین کی جانب سے یہ سوال بھی کیا جارہا ہے کہ آپ بوڑھے کب ہو رہے ہیں؟ جبکہ کچھ کا کہنا ہے کہ سابق کپتان کی اس پوسٹ کا انہیں بے صبری سے انتظار تھا۔
اس سے قبل سابق کرکٹ اسٹار نے نیوزی لینڈ کیخلاف آخری ٹی 20 میچ میں شاہین شاہ آفریدی اور شاداب خان کو آرام دینے کا مطالبہ کیا تھا۔
پاکستان اور نیوزی لینڈ کے درمیان پانچ ٹی ٹوئنٹی میچوں کی سیریز میں کیویز نے تین میں سے 2 میچز جیت کر سیریز جیت لی ہے، آخری میچ بدھ 26 مارچ کو ویلنگٹن میں کھیلا جائے گا۔
آفریدی نے آخری میچ میں فاسٹ بولر شاہین شاہ آفریدی اور نائب کپتان آل راؤنڈر شاداب خان کو آرام دینے کا مطالبہ کیا ہے۔
شاہد آفریدی نے سماجی رابطوں کی ویب سائٹ ایکس پر ٹوئٹ کرتے ہوئے کہا ہے کہ آخری میچ میں بنچ پر بیٹھے کھلاڑیوں کو آزمایا جائے۔ اس میچ میں شاہین شاہ آفریدی اور شاداب خان کو آرام دیا جا سکتا ہے۔
سابق اسٹار آل راؤنڈر کا کہنا تھا کہ پاکستان سیریز تو ویسے ہی ہار چکا ہے۔ اس لیے بہتر فیصلہ یہی ہوگا کہ باقی کھلاڑیوں کو بھی موقع دیا جائے۔
چاہے وہ بابر ہوں یا کوئی اور کھلاڑیوں کو آرام دینا چاہیے، شاہد آفریدی
واضح رہے نیوزی لینڈ کے خلاف رواں سیریز کے کھیلے گئے چار ٹی 20 میچوں میں شاہین شاہ آفریدی اور شاداب خان کی کارکردگی انتہائی مایوس کن رہی ہے۔ چوتھے میچ میں تو دونوں کرکٹرز نے بغیر کوئی وکٹ لیے 98 رنز مخالف ٹیم کو دیے تھے جب کہ بیٹنگ میں بھی کمال نہ دکھا سکے۔
