پاکستانی کرکٹر شاہد آفریدی کو دنیائے کرکٹ کے کھلاڑیوں میں دلکش کھلاڑی قرار دیا گیا ہے۔
حال ہی میں ایک غیر ملکی ویب سائٹ کی جانب سے سروے کیا گیا، جس میں دنیا بھر سے گیارہ کرکٹرز کی ان کی شکل وصورت اور اسٹائل کی بناء پر درجہ بندی کی گئی اور پاکستان کے شاہد آفریدی کو رینکنگ میں نمبر ون قراردیدیا جبکہ پاکستان کے تین کھلاڑی بھی اس فہرست میں شامل ہیں۔
دلکش گیارہ کھلاڑیوں میں شاہد آفریدی نمبر ون، الیسٹر کک دوسرے ، احمد شہزاد تیسرے، مائیکل کلارک چوتھے، ویرات کوہلی پانچویں، کیون پیٹرسن چھٹے ، ڈیوڈ گاور ساتویں ، عمران خان آٹھویں ، بریٹ لی نویں ، جیمز اینڈر سن دسویں اور شین بونڈ گیارہویں نمبر پر ہیں۔
شاہد آفریدی
شاہد خان آفریدی کا نام پاکستان کے بہترین آل راؤنڈرز میں آتا ہے، اپنی جارحانہ بلے بازی کی وجہ سے کئی ریکارڈ بھی اپنے نام کر چکے ہیں۔ وہ ٹیسٹ کرکٹ میں سب سے زیادہ چھکے مارنے والے کھلاڑی ہونے کے ساتھ ساتھ، سب سے بہترین اسٹرائیک ریٹ کا ریکارذ بھی اپنے نام کر چکے ہیں، آفریدی بوم بوم آفریدی کے نام سے بھی پہچانے جاتے ہیں۔
ماڈلنگ کے شعبے میں بھی خوب نام کمانے والے بوم بوم کئی کمپنیوں کے برانڈ ایمبیسڈر رہ چکے ہیں۔
الیسٹر کک
انگلینڈ ٹیسٹ کپتان ایلسٹر کک سب سے زیادہ خوبصورت کرکٹرز میں سے ایک ہے، کک اپنی خوبصورت آنکھوں کی وجہ سے مداحوں میں بہت مقبول ہے، الیسٹر کک ٹیسٹ کرکٹ میں10,000رنز مکمل کر چکے ہیں۔
احمد شہزاد
احمد شہزاد اپنی پرکشش شخصیت کے باعث بہت مشہور ہیں ، اس لئے پاکستانی کھلاڑیوں میں شاہد آفریدی کے بعد سب سے زیادہ پرکشش قرار دیا گیا ہے، 2008 میں انڈر 19 ورلڈ کپ کے بعد شہزاد ٹیسٹ اسکواڈ میں داخل ہوئے اور 2009 میں ون ڈے انٹرنیشنل آسٹریلیا کے خلاف کھیلا۔
مائیکل کلارک
دنیائے کرکٹ میں سابق آسٹریلوی کپتان کا چہرہ سب سے زیادہ دلکش چہروں میں سے ایک ہے، مائیکل کلارک بھی اپنی پرکشش شخصیت کے باعث مقبول ہیں، اسٹائلش بیٹسمین نے اپنی قیادت میں دوہزار پندرہ میں آسٹریلیا کو پانچویں بار ورلڈ کپ جتوایا۔
کلارک کا شمار دنیا کے امیر ترین کھلاڑیوں میں ہوتا ہے جبکہ کئی کمپنیوں کے برانڈ ایمبیسڈر بھی ہیں۔
ویرات کوہلی
بھارتی کرکٹ ٹیم کے ٹیسٹ کپتان ویرات کوہلی اپنی دلکشی کے باعث لڑکیوں میں مقبول ہیں، ویرات کوہلی کو بھارت کے لیے رنز بنانے کی مشین قراردیا جاچکا ہے، کوہلی بھی دنیا کے اہم برانڈ سفیر ہیں، کوہلی کو ان کی مقبولیت اور دلکش شخصیت کی وجہ سے کمپنیاں اپنے اشتہارات میں لیتی ہے اور ویرات کوہلی ایک بھاری معاوضہ ادا کرتی ہے۔
ویرات کوہلی نے اشتہارات میں کام کرنے کیلئے ایک دن کا 2 کروڑ روپے معاوضہ وصول کیا، جو سچن ٹنڈولکر کے برابر ہے۔
کیون پیٹرسن
جنوبی افریقہ میں پیدا ہونے والے کیون پیٹرسن کا شمار دنیائے کرکٹ کے دلکش کھلاڑیوں میں ہوتا ہے ، پیٹرسن کو دلچسپ ہیئر اسٹائل کی بدولت خاصا پسند کیا جاتا ہے، کیون پیٹرسن متنازعہ ہوکر اپنی ٹیم سے باہر ہونے سے قبل انگلینڈ کے مایہ ناز بلے باز تھے۔ 2005 میں آسٹریلیا کے خلاف انہوں نے اپنے کیریئر کا پہلا میچ کھیلا۔
ڈیوڈ گوور
ڈیوڈ گاور اپنے دور میں پرکشش ترین کھلاڑی قرار دیا جاتا تھا۔ گروور نے کیرئیر کا آخری ٹیسٹ پاکستان کے خلاف 1992 میں کھیلا، ڈیوڈ گوور کو تاریخ کے جاذبِ نظر لیفٹ ہینڈ بیٹسمین کا اعزاز حاصل ہے، ڈیوڈ گوور نے ٹیسٹ میچوں میں 8231 رنز بنائے۔
عمران خان
عمران خان کی پرکشش شخصیت کا جادو آج بھی سر چڑھ کر بولتا ہے، اپنے دور عروج میں لاکھوں دلوں کی دھڑکن تھے، انھوں نے پاکستان کو 1992 کا ورلڈ کپ جتوایا،عمران خان نے 88 ٹیسٹ اور 175 ون ڈے میں پاکستان کی نمائندگی کی اور بالترتیب 362 اور 182 وکٹیں لیں۔
بریٹ لی
بریٹ لی اپنی دلکش شخصیت کے باعث لڑکیوں میں بہت مقبول ہیں، کرکٹ کے بعد بریٹ لی بالی ووڈ کی فلم ’’ان انڈین‘‘ میں بھی کام کرچکے ہین ، جو رواں سال اگست میں ریلیز ہوئی، اس کے علاوہ وہ ایک میوزک بینڈ ’’سکس اینڈ آؤٹ‘‘ کا بھی حصہ ہیں جبکہ گٹار بجانے کے بھی ماہر ہیں، اپنے کیریئر میں وہ 76 ٹیسٹ اور 221 ون ڈے کھیل چکے ہیں جس میں بالترتیب 310 اور 380 وکٹ لے چکے ہیں۔
جیمز اینڈر سن
انگلش کرکٹ ٹٰیم کے کھلاڑی کرکٹ کے ساتھ ساتھ گلیمر کی دنیا میں بھی خاصے مقبول ہیں، اینڈرسن کا شمار بھی دنیا کے پرکشش ترین کرکٹرز میں کیا جاتا ہے، اینڈرسن کے مداحوں میں لڑکیوں کی بڑی تعداد ہے،جیمز اینڈر سن ٹیسٹ میچز میں سب سے زیادہ وکٹیں لینے والے بولر ہیں، انھوں نے 117 ٹیسٹ میچوں میں 463 وکٹیں لیں اور 194 ون ڈے میچوں میں 269 وکٹیں لی ہیں۔
شین بونڈ
شین بونڈ شین بونڈ کا کیرئیر انجریز کے باعث جلد ختم ہونے کے باوجود شہرت کی بلندیوں پر پہنچے اور اپنی دلکش شخصیت کے باعث مداحوں میں بہت مقبول رہے۔
