قومی ٹیم کے سابق کپتان شاہد آفریدی ایک بار پھر نانا بن گئے، ان کی بڑی بیٹی اقصیٰ کے ہاں ننھے مہمان کی آمد ہوئی ہے۔
سوشل میڈیا پر سابق کپتان شاہد آفریدی نے یہ خوشخبری مداحوں کو سنائی اور بتایا کہ ’الحمدللہ 16 دسمبر کو اللہ نے اقصیٰ اور نصیر کو خوبصورت بیٹی سے نوازا ہے۔
انہوں نے پوسٹ میں اپنی نواسی کا نام ’آئرا‘ بتایا ہے۔
شاہد آفریدی نے لکھا کہ ’بیٹیاں اللہ کی رحمت اور سب سے قیمتی نعمت ہیں، ہمیں اپنی دعاؤں میں یاد رکھیں۔‘
سابق کپتان نے ایک تصویر شیئر کی جس میں والدین بچی کو اپنے ہاتھوں میں لیے ہوئے ہیں۔
شاہد آفریدی کو نواسی کی پیدائش پر مداحوں کی جانب سے مبارکباد دی جارہی ہیں اور ننھی پری کو دعائیں دی جارہی ہیں۔
واضح رہے کہ شاہد آفریدی کی بڑی بیٹی اقصیٰ اور نصیر ناصر خان کا نکاح دسمبر 2022 میں ہوئی جبکہ رخصتی جولائی 2023 میں ہوئی تھی۔
اس سے قبل رواں سال اگست میں شاہد آفریدی کی چھوٹی بیٹی انشا اور فاسٹ بولر شاہین آفریدی کے ہاں بیٹے کی پیدائش ہوئی تھی۔
