سابق کپتان شاہد خان آفریدی نے کہا ہے کہ افغانستان میں طالبان کے معاملات پہلے سے مختلف ہیں اس بار طالبان کافی مثبت ہیں، کرکٹ کوسپورٹ کرتے ہیں۔
کراچی میں میمن سپر لیگ کی افتتاحی تقریب سےخطاب کرتے ہوئے شاہدآفریدی نے کہا کہ میمن کمیونٹی نے کراچی میں بہت کام کیا ہے اسٹیک ہولڈرز کو چاہیے کراچی میں کرکٹ اکیڈمیز بنائیں اگر اکیڈمیز ہوں گی تو ٹیلنٹ سامنے آئے گا۔
شاہدآفریدی نے کہا کہ آج کل زیادہ ٹیلنٹ کےپی سے آرہا ہے میمن کمیونٹی کو چاہیے کرکٹ اکیڈمی بنائیں میں انکا ساتھ دوں گا سسٹم تبدیل کرنا ہےتوصرف چہرے تبدیل نہ ہوں تبدیلی کا نعرہ گراس روٹ لیول سے ہونا چاہئے میں ابتک مداحوں کی وجہ سے کرکٹ کھیل رہا ہوں۔
ان کا کہنا تھا کہ بایو سیکیور ببل کی وجہ سےکرکٹ کھیلنا بند کر دی ہے پلیئزکیلئےبائیو سیکیورببل بہت مشکل ہو جاتا ہے۔ انہوں نے پی ایس ایل کو خیرباد کہنے کا عندیہ دیتے ہوئے کہا کہ شایداگلا پی ایس ایل میرا آخری ایونٹ ثابت ہو خواہش ہے کوئٹہ گلیڈی ایٹرزکیجانب سےآخری سیزن کھیلوں۔
