بھارتی لیگ میں گوتم گمبھیر اور افغان فاسٹ بولر نوین الحق کی رائل چیلنجرز بنگلور کے کھلاڑی ویرات کوہلی سے جھگڑے کے واقعے پر شائقین کرکٹ کی جانب سے شدید ردعمل کا اظہار کیا جارہا ہے۔
اسپورٹس مین اسپرٹ کی دھجیاں بکھرتے دیکھ کر سوشل میڈیا صارفین شاہد آفریدی کی اس ٹوئٹ کو وائرل کررہے ہیں جس میں انہوں نے نوجوان افغان بولر نوین الحق کے غیرمہذب رویے پر نوجوان کھلاڑیوں کے نام پیغام دیا تھا۔
My advise to the young player was simple, play the game and don't indulge in abusive talk. I have friends in Afghanistan team and we have very cordial relations. Respect for teammates and opponents is the basic spirit of the game. https://t.co/LlVzsfHDEQ
— Shahid Afridi (@SAfridiOfficial) December 1, 2020
یکم دسمبر 2020 کو کی گئی ٹوئٹ میں شاہد آفریدی نے لکھا تھا کہ نوجوان کھلاڑی کو میرا مشورہ سادہ تھا کہ میچ کھیلو اور گالی گلوچ میں نہ پڑو، افغانستان کی ٹیم میں میرے دوست ہیں اور ہمارے بہت خوشگوار تعلقات ہیں۔ ٹیم کے ساتھیوں اور مخالفین کا احترام کھیل کی بنیادی روح ہے۔
گزشتہ روز لکھنؤ میں کھیلے گئے آئی پی ایل کے 43ویں میچ میں ویرات کوہلی کی ٹیم رائل چیلنجرز بنگلور نے گوتم گمبھیر کی ٹیم لکھنؤ سپر جائنٹس کو 18 رنز سے شکست دی۔
Another angle of the Virat Kohli vs Gautam Gambhir argument and Naveen Ul Haq having some with King Kohli too. #IPL2023 pic.twitter.com/gVLQXdNXsI
— Farid Khan (@_FaridKhan) May 1, 2023
میچ کے بعد ویرات کوہلی اور لکھنؤ سپر جائنٹس کے کھلاڑی ہاتھ ملانے لگے تو پہلے نوین الحق نے ویرات کوہلی سے الجھ پڑے جس کے بعد گوتم گمبھیر اور کوہلی کے بعد درمیان بھی جملوں کا تبادلہ ہوا۔
ویڈیو میں دیکھا جاسکتا ہے کہ نوین الحق اور گوتم گمبھیر کوہلی سے الجھ رہے ہیں، ایک اور ویڈیو میں کائل میئرز جب ویرات کوہلی سے بات کررہے ہیں تو گوتم گھمبیر انہیں ہاتھ پکڑ کر وہاں سے لے جاتے ہیں اور کوہلی کو بات نہیں کرنے دیتے۔