اسلام آباد : سابق وزیراعظم شاہد خاقان عباسی نے پی ٹی آئی کارکنان کو چیلنج کرتے ہوئے کہا میرے سامنے آؤ آسٹریچر پر نہ بھیجا تو میرا نام شاہد خاقان عباسی نہیں۔
تفصیلات کے مطابق پی ٹی آئی کارکنان کی جانب سے بدتمیزی کے بعد سابق وزیراعظم شاہد خاقان عباسی نے میڈیا سے گفتگو میں برہمی کا اظہار کرتے ہوئے کہا میرا نام شاہدخاقان عباسی ہےمیں ان پہاڑوں کارہنےوالا ہوں، میں یہاں کھڑاہوں جس میں ہمت ہے میرےسامنے آئے، ایمبولینس میں نہ گئے تو میرا نام بدل دینا۔
شاہدخاقان عباسی کا کہنا تھا کہ عمران خان اور اس کے ٹولے میں ہمت ہے تو آکر مقابلہ کرے، ڈاکوؤں ،کرائے کے غنڈوں کے پیچھے چھپنا چھوڑ دو، ابھی آجائیں،اآسٹریچر پر نہ بھیجا تو میرا نام شاہد خاقان عباسی نہیں۔
سابق وزیراعظم نے مزید کہا کہ ہمارے لیڈر کا طرزعمل ہمیں برداشت اور تحمل رہاہے، ان کا لیڈر ہمیں دھمکیاں دیتا ہے۔
یاد رہے پارلیمنٹ لاجزکے باہرن لیگ کے رہنماؤں کی گفتگوکے دوران پی ٹی آئی کارکنان نے لیگی رہنماؤں کاگھیراؤ کرکے نعرے بازی شروع کردی تھی۔
لیگی رہنماؤں کی واپسی پرمصدق ملک ،شاہد خاقان عباسی اورپی ٹی آئی کارکنوں میں تلخ کلامی، ہاتھا پائی کی ، اس دوران شاہد خاقان عباسی نے پی ٹی آئی کارکن کودو تھپڑ لگائے، جس پرکارکن نے بھی جوابی وار کیا۔
پولیس شاہدخاقان عباسی اور مصدق ملک کو حصار میں لیکر چلی گئی جبکہ اسلام آبادپولیس کے اہلکار کارکنوں کو پیچھے ہٹانے کی کوشش کرتے رہے۔
