اسلام آباد: مسلم لیگ ن کے سینئر رہنما شاہد خاقان عباسی کا کہنا ہے کہ نوازشریف کی رہائی احتجاجی تحریک سے نہیں، عدالتی عمل سے ہوگی.
ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ نوازشریف اب بھی عوام کےدلوں میں بستے ہیں.
شاہد خاقان عباسی کا کہنا تھا کہ اپوزیشن مختلف جماعتوں پرمشتمل ہے اس لیے صدارتی انتخابات میں بھی تقسیم نظر آتی ہے.
انھوں نے کہا کہ کوشش جاری ہے کہ اپوزیشن کا صدارتی امیدوار ایک ہو، نہ ہوسکا، تب بھی اچھا الیکشن ہوگا.
سابق وزیراعظم پاکستان نے ایک سوال کے جواب میں کہا کہ ان کا سابق وزیر داخلہ چوہدری نثارسے کوئی رابطہ نہیں ہوا.
مزید پڑھیں: اسلام آباد ہائی کورٹ نے نوازشریف کی درخواست پرنیب کو نوٹس جاری کردیا
شاہدخاقان عباسی کا کہنا تھا کہ بلدیاتی نظام تبدیلی آتی رہتی ہے، نئی حکومت اگر تبدیلی کرے گی، تو دیکھیں گے، آئی ووٹنگ کی ضمنی انتخابات میں اجازت ہوتی ہے.
ان کا کہنا تھا کہ ہم تبدیلی نہیں کارکردگی پرووٹ مانگیں گے، نوازشریف اب بھی عوام کے دلوں میں بستے ہیں.