لاہور : سابق وزیراعظم اور مسلم لیگ ن کے رہنما شاہد خاقان عباسی نے کہا عمران خان نےدھمکی دی میں کسی کونہیں چھوڑوں گا، ضمانت کرائی ہےنہ کراؤں گانیب گرفتاری کواعزازسمجھتاہوں۔

تفصیلات کے مطابق سابق وزیراعظم اور مسلم لیگ ن کے رہنما شاہد خاقان عباسی نے پریس کانفرنس کرتے ہوئے کہا عمران خان نےکہاقرضے نےتمام خرابیاں پیداکی ہیں، ہم نےکمیشن بنایاہے، کمیشن بناناہےتو بڑے شوق سے بنائیں۔

شاہد خاقان عباسی کا کہنا تھا 5 سال میں10ہزارکااضافی بوجھ پاکستان آیا، تربیلا4بنا،تھرکول میں ترقیاتی کام ہوئے، ملک میں بجلی کے نئے ذخائر پیدا کیے گئے ، ملک بھرمیں گیس کی لائنزبچھائی گئیں، آپریشن ضرب عضب اسی10ہزارارب سےہوا، جوبھی قرضےلیےاورکہاں استعمال کیےسب ریکارڈ موجود ہے۔

کمیشن بڑے شوق سے بنائیں، میں سامنےپیش ہوکرتمام شواہدجمع کرادوں گا

مسلم لیگ ن کے رہنما نے کہا میں کمیشن کےسامنےپیش ہوکرتمام شواہدجمع کرادوں گا، اسی 10ہزار ارب سے ملک کو 5.8فیصد کی گروتھ دی گئی ، نئےٹیکس لگانے سے ملک میں کاروبار میں کمی آئےگی، نئے ٹیکس سے20،30 لاکھ لوگوں کا روزگار جانے کا خطرہ ہے، نئے ٹیکس لگانے سے ترقی کی رفتار کم ہوجائےگی۔

سابق وزیراعظم کا کہنا تھا یہ ہے 10ہزار ارب روپے کا حساب، کسی کمیشن کی ضرورت نہیں، 9ہزار ارب روپے صوبوں کو دیئےگئے، 5 ہزار ارب سود کی ادائیگی میں دیئےگئے۔

شاہد خاقان عباسی نے کہا عمران خان نےدھمکی دی میں کسی کونہیں چھوڑوں گا، یہ وہ شخص ہے جوکہتاتھا میں لوگوں کوگرفتار کراؤں گا، اب یہ لوگ کہتے ہیں نیب خودگرفتاریاں کررہا ہے، ایک وفاقی وزیر کہتے ہیں 5ہزار لوگوں کو مار دیا جائے، میرے بارے میں موصوف کہتے ہیں گرفتارہوجاؤں گا۔

وزیراعظم اپنےگوشوارے ویب سائٹ پرڈال دیں

ان کا کہنا تھا ضمانت کرائی ہے نہ کراؤں گانیب گرفتاری کواعزازسمجھتاہوں ، دھمکی دینےسےکام نہیں چلےگا، میں نے بیس سال کے گوشوارے ویب سائٹ پرڈال دیئے، وزیراعظم اپنےگوشوارے سامنے لائیں ، ہمت ہوتی تو رات 12بجے تقریر نہیں اسمبلی میں بات کرتے۔

ن لیگی رہنما نے کہا وزیراعظم کےپاس بہت سےسول ادارےہوتےہیں، عمران خان نےایک بھی ثبوت ایف آئی اےاورنیب کوبھیجا؟، عوام کوبتائیں کون سے سابق وزیر نے خورد برد کی ہے؟آپ نے الزام لگانا ہے ،آپ عوام کےسامنے آئیں، تاریخ میں کیا کسی وزیراعظم نے رات 12بجے تقریر کی؟ جو بولتاہے اسے ڈبویا جارہا ہے، پنجاب اسمبلی کے قائدحزب اختلاف حمزہ شہباز گرفتار ہیں۔

سابق وزیراعظم نے کہا جس ملک میں قانون پرعمل نہ ہو وہاں جمہوریت نہیں چل سکتی، نیب کے قانون میں ریمانڈ کی گنجائش ہے ، گنجائش کامطلب ہرگزیہ نہیں کہ جب دل چاہےاستعمال کریں ، جس ملک میں سیاستدان کی عزت نہ ہو وہ ملک نہیں چل سکتا۔

جس ملک میں سیاستدان کی عزت نہ ہو وہ ملک نہیں چل سکتا

ان کا کہنا تھا عمران خان اسمبلی میں آئیں اورجواب دیں، لوگوں نے نعرے لگائے، لوگ ہمارے قابو میں نہیں تھے، 10 منٹ بھی اسمبلی میں عوامی مسائل پربات نہیں ہوسکی۔

شاہد خاقان عباس نے کہا چیئرمین نیب نے انٹرویو دیا نہ اس کی تردید کی، معروف صحافی آج بھی اپنے انٹرویو پر قائم ہیں، چیئرمین نیب کا کہنا ہے حکومتی لوگ پکڑوں تو حکومت نہیں چل سکےگی۔