مسلم لیگ (ن) کی سینئر رہنما اور سابق وزیر اعظم شاہد خاقان عباسی کا کہنا ہے کہ ملک میں قومی احتساب بیورو (نیب) کے قوانین کو ختم کر دینا چاہیے۔
لاہور میں ایک تقریب سے خطاب کرتے ہوئے شاہد خاقان عباسی نے کہا کہ آئین پاکستان عوام کے حقوق اور تنازعات کے حل کے لیے ہے، ملک اس وقت بے مثال بحران کا شکار ہے۔
شاہد خاقان عباسی نے کہا: ’ریاست کے ہر شعبے کو اپنا کردار ادا کرنا ہوگا۔ جب تک نیب کا قانون موجود ہے پاکستان فعال نہیں ہو سکتا، نیب کے قوانین کو ختم کر دینا چاہیے۔‘
انہوں نے اپنے خطاب میں مزید کہا کہ احتساب کے لیے اور بھی ادارے موجود ہیں۔
