اسلام آباد : پمز اسپتال میں میڈیکل بورڈ نے سابق وزیراعظم شاہدخاقان عباسی کا طبی معائنہ کرکے ہرنیا اور پتے کا آپریشن کرانے کی ہدایت کردی ہے، شاہد خاقان عباسی نجی اسپتال سے آپریشن کرانے کے خواہشمند ہیں۔
تفصیلات کے مطابق سابق وزیراعظم شاہد خاقان عباسی کو پمز اسپتال منتقل کردیا گیا ، سابق وزیراعظم کو اڈیالہ جیل حکام سخت سیکیورٹی میں پمز لائے ، جہاں خصوصی میڈیکل بورڈ نے شاہد خاقان عباسی کا طبی معائنہ کیا۔
،اسپتال ذرائع کا کہنا ہے کہ شاہدخاقان عباسی کوگردوں میں تکلیف اور ہرنیا کے درد کی بنیادپرپمزلایاگیا، ان کو،پتے،گردوں میں پتھری،ہرنیاکی شکایت ہے ، میڈیکل بورڈکی ہدایت پرشاہدخاقان کا الٹراساؤنڈ کیا گیا۔
ذرائع نے مزید کہا کہ میڈیکل بورڈنےشاہدخاقان کوخون اور یورین کےٹیسٹ تجویزکردیئے ہیں اور ہرنیا، پتے کا آپریشن کرانے کی ہدایت کردی ہے، شاہد خاقان عباسی کا شوگر لیول نارمل اور بلڈپریشر معمول سے زیادہ ہے۔
اسپتال ذرائع کے مطابق شاہدخاقان عباسی کاشعبہ امراض قلب میں معائنہ کیاگیا، میڈیکل بورڈ کی ہدایت پر شاہد خاقان عباسی کی ای سی جی کی گئی، ان کی ای سی جی رپورٹ معمول کے مطابق ہے۔
مزید پڑھیں : شاہد خاقان عباسی کی مرضی سےعلاج کے لئے درخواست دائر
پمزذرائع کا کہنا ہے کہ شاہدخاقان عباسی طبی معائنےکےبعداسپتال سے روانہ کردیا گیا ، شاہدخاقان عباسی نجی اسپتال سےآپریشن کرانے کے خواہش مند ہیں۔
یاد رہےایل این جی کیس میں سابق وزیراعظم شاہدخاقان عباسی نےاپنی میڈیکل رپورٹ عدالت میں پیش کی اور عدالت سے علاج کرانے کی اجازت مانگی تھی ، درخواست میں کہا تھا سرجری کرانی ہے، اپنے خرچے پر شفا اسپتال سے علاج کرانا چاہتا ہوں۔
واضح رہے جولائی میں قومی احتساب بیورو (نیب) نے مسلم لیگ ن کے رہنما اور سابق وزیراعظم شاہد خاقان عباسی کو گرفتار کیا تھا، وہ جوڈیشل ریمانڈ پر جیل میں ہیں ، سابق وزیر اعظم پر الزام ہے کہ انہوں نے ایل این جی کی درآمد اور تقسیم کا 220 ارب روپے کا ٹھیکہ دیا جس میں وہ خود حصہ دار ہیں۔
