پاکستان کرکٹ ٹیم کے فاسٹ بولر شاہنواز ڈاہانی کا کہنا ہے کہ شادی کے لئے لڑکی پسند نہیں کی مگر گھر والے کہتے ہیں کہ اسی سال دلہنیا لائیں گے۔
تفصیلات کے مطابق نجی ٹی وی کو دئیے گئے ایک انٹرویو میں قومی ٹیم کے فاسٹ بولر نے قومی ٹیم میں شامل ہونے، شادی سے متعلق کھل کر گفتگو کی۔
شاہنواز ڈاہانی کا کہنا تھا کہ رواں سال ایشیا کپ اور ورلڈ کپ کا سال ہے اس لیے دورہ زمبابوے پر کوشش کروں گا کہ بہترین کارکردگی کا مظاہرہ کرتے ہوئے ٹیم میں کم بیک کروں اور میگا ایونٹ میں ملک کی نمائندگی کروں۔
شادی سے متعلق سوال پر شاہنواز ڈاہانی کا کہنا تھا کہ انہوں نے یا گھر والوں نے لڑکی تو پسند نہیں کی ہے البتہ گھر والوں نے کہا ہے کہ ایک سال میں شادی کردی جائے گی۔
فاسٹ بولر نے کہا کہ پاکستان شاہینز ٹیم کی مصروفیت کی وجہ سے عید اس بار ملک سے باہر ہوگی، اس موقع پر گھر والوں کا کھانا عیدی ملنے کے لمحات اور گاؤں والوں کے ساتھ عید منانے کا موقع مس کرونگا۔
واضح رہے کہ شاہ نواز ڈاہانی پی ایس ایل میں انجری کے باعث ایونٹ سے باہر ہوگئے تھے ری ہیب پروگرام مکمل کرنے کے بعد وہ اب پاکستانی شاہینز کے ہمراہ زمبابوے جارہے ہیں جہاں تین میچوں پر مشتمل ون ڈے سیریز کھیلی جائے گی۔
