بالی وڈ کے بے تاج بادشاہ شاہ رخ خان پاکستان میں بھی کافی مقبول ہیں اور یہی وجہ ہے کہ لوگوں نے ان کا نام اپنے فائدے کے لیے بھی استعمال کرتے ہیں۔
اداکار شاہ رخ خان کی ایک تصویر ان دنوں سوشل میڈیا پر کافی وائرل ہو رہی ہے۔ اس تصویر میں اداکار کے ہاتھ پلستر لگا دیکھا جا سکتا ہے۔ دراصل یہ حافظ آباد میں ایک حکیم خانے کا پوسٹر ہے۔
View this post on Instagram
سوشل میڈیا پر شاہ رخ خان کی مذکورہ تصویر موضوع بحث بنی ہوئی ہے۔ دلچسپ بات یہ ہے کہ اداکار کی اس تصویر کو باقاعدہ سفید پلستر والا بازو ایڈٹ کر کے جوڑا گیا ہے۔
سوشل میڈیا صارفین اس پوسٹر پر مزاحیہ تبصرے کر رہے ہیں اور اس کی میمز بھی وائرل ہو رہی ہیں۔
اس سے قبل بھی حافظ آباد میں حکیم خانے کے پوسٹر پر بالی وڈ اداکار شاہ رخ خان کی تصویر کو لگا دیکھا گیا تھا۔
