بالی ووڈ کے معروف اداکار شاہ رخ خان کا پاکستانی اداکارہ عفت عمر کے نام ویڈیو پیغام وائرل ہوگیا۔
اداکارہ عفت عمر نے شاہ رخ خان کے پیغام کی ویڈیو ٹوئٹر پر شیئر کی جس میں کنگ خان انہیں خوش رہنے کی تلقین کرتے ہوئے ان کی کامیابیوں کے لیے دعا گو ہیں۔
شاہ رخ خان نے کہا کہ ’عفت عمر آپ جو بھی کرو اس میں کامیابی پاؤ ہمیشہ خوش رہو۔‘
عفت عمر نے بھی لکھا کہ ’شاہ رخ خان آپ نے زندگی کے دو سیکنڈز جو مجھے دیے وہ میری زندگی کا خوشگوار ترین لمحہ ہے۔‘
@iamsrk 2 seconds of your life you gave is one of the happiest moment of my life❤️❤️ Congrats on the success of #Pathaan superstar 💥 pic.twitter.com/m38OW0L4Tb
— Iffat Omar Official (@OmarIffat) February 14, 2023
اداکارہ نے کنگ خان کو فلم پٹھان کی کامیابی پر مبارک باد بھی دی۔
واضح رہے کہ کنگ خان کی فلم پٹھان نے کامیابی کے نئے ریکارڈ قائم کردیے ہیں فلم کے دیگر کرداروں میں جان ابراہم، دپیکا پڈوکون، اشوتوش رانا ودیگر شامل ہیں۔
اداکارہ عفت عمر بھی متعدد ڈراموں میں اداکاری کے جوہر دکھا چکی ہیں، اداکارہ نے اے آر وائی ڈیجیٹل کے ڈرامہ سیریل ’بے رخی‘ میں منفی کردار نبھایا تھا۔