بالی ووڈ کے بادشاہ شاہ رخ خان کی فلم ’پٹھان‘ نے ریلیز کے دوسرے روز ہی کمائی کے ریکارڈ بنا ڈالے ایسے میں کنگ خان نے مداحوں کے ساتھ سوال و جواب کا سیشن رکھا۔
بالی ووڈ کے کنگ شاہ رخ خان کی چار سال بعد فلم پٹھان کے ذریعے شوبز میں واپسی ہوئی اور ان کی فلم نے ریلیز ہوتے ہی دھوم مچادی ہے۔
ریلیز کے تیسرے روز پٹھان نے 313 کروڑ کا بزنس کرلیا ہے جبکہ دوسرے دن فلم کی کمائی 219.6 کروڑ تھی جبکہ پہلے روز فلم کا بزنس 106 کروڑ تھا۔
بالی ووڈ کے سلطان نے بھی شاہ رخ خان کی فلم کی کامیابی پر لکھا کہ خواہش ہے کہ فلم چار سو کروڑ کلب میں داخل ہوجائے۔
History created with love from all over the world ❤️
Book your tickets NOW – https://t.co/SD17p6x9HI | https://t.co/VkhFng6vBjCelebrate #Pathaan with #YRF50 only at a big screen near you, in Hindi, Tamil and Telugu. pic.twitter.com/g9A0A67IRA
— Yash Raj Films (@yrf) January 28, 2023
شاہ رخ خان نے فلم کی کامیابی کے بعد ٹوئٹر پرمداحوں کے سوالات کے جوابات دیے۔
ایک مداح نے ان سے سوال کیا کہ ’سر پٹھان تو ہٹ گئی لیکن باکس آفس پر سلمان خان کا مقابلہ نہیں کر پاؤ گے۔‘
اداکار نے جواب دیتے ہوئے لکھا کہ ’سلمان بھائی، وہ کیا کہتے ہیں آج کل ینگ لوگ ہاں، ’گوٹ‘ گریٹیسٹ آف آل ٹائم‘ ہیں۔‘
Salman bhai is…woh kya kehte hain aaj kal…young log…haan….GOAT. ( greatest of all time ) #Pathaan https://t.co/91HJy8UZxU
— Shah Rukh Khan (@iamsrk) January 28, 2023
شاہ رخ خان نے کہا کہ ’ٹائیگر کا تو میں بھی مداح ہوں، بس ان کے ساتھ مجھے بھی دل میں رکھو۔‘
پٹھان میں شاہ رخ خان ایک جاسوس کا کردار ادا کر رہے ہیں جو جلاوطنی سے نکل کر ایک سابق فوجی کو شکست دینے میں مدد کرتا ہے جو کنٹریکٹ دہشت گرد بن جاتا ہے
ایسی خبریں ہیں کہ سلمان خان اور شاہ رخ خان 2024 میں ایکشن سے بھرپور اسرافگنزا کے لیے اکٹھے ہوں گے۔ سلمان خان بھی 2023 میں دو بڑی فلموں میں شامل ہیں۔ عید 2023 میں کسی کا بھائی کسی کی جان اور نومبر میں ٹائیگر 3 ہے۔ شاہ رخ خان نے کی نئی فلموں میں جوان اور ڈنکی شامل ہیں۔
