اسلام آباد : مشیرِ داخلہ و احتساب بیرسٹر شہزاد اکبر کا کہنا ہے کہ نذیر چوہان نے جھوٹاالزام لگاکرمیری اور میرے اہل خانہ کی جان کو خطرے میں ڈالا، امید ہے مجھے انصاف ملے گا۔
تفصیلات کے مطابق مشیرِ داخلہ و احتساب بیرسٹر شہزاد اکبر نے سماجی رابطے کی ویب سائٹ ٹوئٹر پر اپنے بیان میں کہا کہ نذیر چوہان نے ایک مذموم سازش کے تحت مجھ پرجھوٹا الزام لگایا اور جھوٹا الزام لگانے کے بعد برملا اس کا پرچار کیا جبکہ میں نے الزام کی تردید کی اسکے باوجود نذیرچوہان نےجھوٹی مہم چلائی۔
نذیر چوہان نے ایک مذموم سازش کے تحت مجھ پہ قادیانی ہونے کا جھوٹا الزام لگایا اور اسکا برملا پرچار کیا،میں نے اس الزام کی تردید کی اور باقاعدہ طور پہ اپنے سنی العقیدہ اور ختم نبوت پہ اپنے ایمان کا اعادہ کیا-اسکے باوجود نذیر نے جھوٹی مہم چلائی جس سے نہ صرف ملک میں مذہبی منافرت ۱/۳
— Mirza Shahzad Akbar (@ShazadAkbar) July 29, 2021
شہزاداکبر کا کہنا تھا کہ جھوٹاالزام لگاکرمیری اور میرے اہل خانہ کی جان کو خطرے میں ڈالا اور میں نے ایک عام شہری کے طور پر پولیس اور ایف آئی اے کو درخواست دی ، جس پر پولیس اور ایف آئی اے نے قانون کے تحت ایف آئی آر درج کی ، تفتیش کے دوران جرم ثابت ہونے پر نذیر چوہان کی گرفتاری ہوئی۔
پھیلی بلکہ میری اور میرے اہل عیال کی جان کو خطرے میں ڈالا لہذا میں نے ایک عام شہری کے طور پر پولیس کو اور FIA Cyber crime کو درخواست دی جنہوں نے قانون کے تحت ایف آی آر درج کی اور تفتیش میں جرم ثابت ہونے پر نذیر چوہان کی گرفتاری کی مجھے امید ہے کہ ۲/۳
— Mirza Shahzad Akbar (@ShazadAkbar) July 29, 2021
مشیرِ داخلہ و احتساب نے مزید کہ امید ہے عدالت سے یہ معاملہ منطقی انجام کو پہنچے گا اور مجھے انصاف ملے گا، معاشرے میں مذہبی منافرت پھیلانےوالوں سے سختی سے نمٹنا پڑے گا ، اگر ہر شہری اپنے حق کیلئےکھڑا ہوگا تو ان شدت پسندعناصرکوشکست ہو گی۔
یہ معاملہ عدالت سے اپنے منطقی انجام کو پہنچے گا اور مجھے انصاف ملے گا، ہمیں معاشرے میں مذہبی منافرت پھیلانے والوں سے سختی سے نبھٹنا پڑے گا،اگر ہر شہری اپنے حق کیلیے کھڑا ہوگا تو ان شدت پسند عناصر کو شکست ہو گی ۳/۳
— Mirza Shahzad Akbar (@ShazadAkbar) July 29, 2021
