اسلام آباد : معاون خصوصی بیرسٹرشہزاد اکبر نے اپوزیشن لیڈر شہباز شریف کو مشورہ دیا ہے کہ اس عمرمیں وہ حرکتیں نہ کریں جس سے کمر میں درد ہو۔
تفصیلات کے مطابق معاون خصوصی بیرسٹرشہزاداکبر نے سماجی رابطے کی ویب سائٹ ٹوئٹر پر اپنے پیغام میں کہا کہ شوباز صاحب کرپشن،منی لانڈرنگ کیس میں ریمانڈ پر ہیں، چھٹی پر نہیں، شہباز شریف سوالات کاجواب دیں۔
بیرسٹرشہزاداکبر کا کہنا تھا کہ مشورہ ہےاس عمرمیں وہ حرکتیں نہ کریں جس سےکمرمیں دردہوتاہے، اصل شکایت آپ کو بڑےبھائی سے ہے، جس نے ش لیگ بننے سے پہلے ختم کردی۔
یاد رہے مشیر داخلہ برائے احتساب شہزاد اکبر نے کہا تھا کہ مریم نواز نے شہباز شریف کی سیاست کا خاتمہ کردیا، مریم نواز نے بتادیا شہبازشریف حکم نوازشریف کا مانتے اور مفاہمت کی سیاست کرتے ہیں۔
انہوں نے رہنما مسلم لیگ نواز کو تنقید کا نشانہ بناتے ہوئے کہا تھا کہ شہبازشریف نے گزشتہ6 ماہ میں گلگت بلتستان کے کتنے دورے کیے، گلگت بلتستان الیکشن سے متعلق کیا کیا، مریم نواز خود کہہ چکی کہ شہباز شریف پنجاب کے لیڈر ہیں۔
