اسلام آباد :معاون خصوصی شہزاد اکبر برائے احتساب شہزاد اکبر کا کہنا ہے کہ وزیراعظم نےگندم اورچینی کے معاملے پر مثال قائم کردی ، فرانزک رپورٹ کو نہ صرف پبلک کیا جائے بلکہ اس پر ایکشن بھی لیا جائے۔
تفصیلات کے مطابق وزیراعظم کے معاون خصوصی شہزاد اکبر نے اپنے بیان میں کہا کہ ریاست کاکام ایک ریگولیٹرکاہے، پولٹری مافیا نہیں اور بھی لوگ جن کےخلاف کام کرنے کی ضرورت ہے ، مسابقتی کمیشن مافیاز کے خلاف مؤثر کردار ادا کرنے میں ناکام رہا ہے، ہماری کوشش ہے کہ کارٹیلزکےخلاف مسابقتی کمیشن کو مؤثر بنایا جائے۔
شہزاد اکبر کا کہنا تھا کہ وزیراعظم نےگندم اورچینی کےمعاملےپرمثال قائم کردی، فرانزک رپورٹ کو نہ صرف پبلک کیا جائے بلکہ اس پر ایکشن بھی لیا جائے، ہم کسی کاروبارکانقصان نہیں چاہتےہیں۔
معاون خصوصی نے کہا کہ ایک خاص تناسب گندم سےمحٖفوظ کی جاتی ہے، مارکیٹ میں صورتحال کےمطابق گندم دی جاتی ہے، وفاق اور پنجاب حکومت نے ذمہ دار کا مظاہرہ کیا گندم خریداری کے معاملے پرسندھ نے مجرمانہ غفلت برتی۔
ان کا کہنا تھا کہ رپورٹ کےمطابق ملک میں گندم کی صورتحال کا ٹھیک اندازہ نہیں لگایا گیا، بغیر کابینہ کی اجازت میدہ برآمد کرنے کی اجازت دی گئی۔
شہزاد اکبر نے مزید کہا کہ جو بھی مسائل ہوئے، وہ انتظامی نوعیت کےتھے، صرف پنجاب کےپرالزام کاسارابوجھ ڈالناٹھیک نہیں، گندم میں پنجاب کی نسبت چنددن پہلے ہی گندم جمع کرناشروع کردی جاتی ہے۔
