اسلام آباد: وزیر ریلوے شیخ رشید نے کہا ہے کہ عوام اب انصاف اور سیاست کی جمہوریت چاہتے ہیں.

ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ پاکستان کی تاریخ میں پہلی بار ایسا شخص اقتدار میں آیا ، جس پرکرپشن کا الزام نہیں. 

شیخ رشید نے کہا کہ 30 مارچ تک پتا چل جائے گا کہ عمران خان کھلاڑی ہے یا اناڑی، پہلی بارایسا شخص اقتدار میں آیا، جس پرکوئی الزام نہیں.

[bs-quote quote=” جب وقت ملتا ہے، وزیراعظم سےعام آدمی کے مسائل کا ذکر کرتا ہوں” style=”style-7″ align=”left” author_name=”شیخ رشید”][/bs-quote]

انھوں نے کہا کہ عمران خان دور میں بابراعوان اوراعظم سواتی نےاستعفیٰ دیا، دہری شہریت کے معاملے میں سپریم کورٹ نے ایک ماہ کا ٹائم دیا ہے.

ان کا کہنا تھا کہ بینظیر بھی شہید ہوگئیں، پھر ان کی وصیت نوکرانی سے نکلی، مجھے بڑا دکھ ہوگا، اگر بلاول کی سیاست کا اختتام ہوجائے.

وزیر ریلوے کا کہنا تھا کہ وزیراعظم عمران خان کسی کا لحاظ نہیں کریں گے، جب وقت ملتا ہے، وزیراعظم سےعام آدمی کے مسائل کا ذکر کرتا ہوں.

شیخ رشید نے کہا کہ اصل وہ چورہیں، جنہوں نے خزانے کو لوٹا، اب قوم بھگت رہی ہے، وہ سب ٹیکسز کے چور ہیں، جنہوں نے خزانےکو لوٹا.

مزید پڑھیں: آصف زرداری جانتے ہیں کہ اب ان کے ساتھ کیا ہونے والا ہے، شیخ رشید

شیخ رشید نے مزید کہا ہے کہ نوازشریف کے گارڈ کے صحافیوں پرتشدد کی مذمت کرتا ہوں.

ایک سوال کے جواب میں انھوں نے کہا کہ سواں سے پشاور موڑ تک بغیر سگنل کے دونوں طرف سڑک ہوگی.