عوامی مسلم لیگ کے سربراہ اور سابق وزیر داخلہ شیخ رشید احمد نے کہا ہے کہ سب بند گلی میں داخل ہورہے ہیں جلد اہم سیاسی فیصلے ہوں گے۔
عوامی مسلم لیگ کے سربراہ اور سابق وزیر داخلہ شیخ رشید احمد نے اے آر وائی نیوز کے پروگرام ’باخبر سویرا‘ میں گفتگو کرتے ہوئے کہا کہ نوٹ بچاؤ لوگوں نے ووٹ قربان کیا ہے، بڑے سے بڑا سیاسی پنڈت کوئی پیشگوئی نہیں کر پا رہا، سب بند گلی میں داخل ہورہے ہیں جلد اہم سیاسی فیصلے ہوں گے۔
شیخ رشید نے کہا کہ یہ لوگ ووٹوں کو داؤ پر لگا رہے ہیں، حکومت نے 11 افراد کو نااہل کیا ہے۔ ان کے اپنے لوگ اقدام پر تنقید کر رہے ہیں۔ آصف زرداری نے بھی حکومت پر تنقید کی ہے۔ معاملات بگاڑ کی طرف جا رہے ہیں۔45 دن کے اندر اہم سیاسی فیصلے ہونے ہیں۔
ان کا کہنا تھا کہ لوگوں باشعور ہو گئے ہیں انہیں سب سمجھ آرہا ہے۔ موجودہ حالات میں حکمرانی کرنا آسان نہیں رہا۔ یہ کمبل کو چھوڑنا چاہتے ہیں مگر کمبل انہیں نہیں چھوڑ رہا، شیخ رشید
شیخ رشید الیکشن چاہے اکتوبر میں ہوں یا نومبر میں عمران خان انتخابی مہم پر ہیں۔ ہمارے دور میں مہنگائی کم تھی اب تو آسمان پر جا رہی ہے۔ حل سڑکوں پر ہے یا آپس میں بیٹھ کر الیکشن کی تاریخ دینے پر ہے۔
سربراہ عوامی مسلم لیگ کا کہنا تھا کہ حکومت نے اے آر وائی نیوز کو نشانے پررکھ لیا ہے کیونکہ یہ چاہتے ہیں کہ ان کے خلاف اٹھنے والی ہر سچی آواز کو دبا دیا جائے۔
