عوامی مسلم لیگ کے سربراہ شیخ رشید نے دعویٰ کیا ہے کہ پی ٹی آئی چیئرمین عمران خان ستمبر میں فائنل کال دے کر ملک جام کردیں گے۔
سابق وفاقی وزیر داخلہ شیخ رشید احمد نے سماجی رابطوں کی ویب سائٹ ٹوئٹر پر موجودہ حکومت پر کڑی تنقید کرتے ہوئے ایک اہم انکشاف کردیا ہے۔
اے آروائی نیوز براہِ راست دیکھیں live.arynews.tv پر
شیخ رشید نے اپنے ٹوئٹ میں لکھا ہے کہ سوشل میڈیا پر اتھارٹی بنانے، یوٹیوب بند، مخالف اینکرز کو اٹھانے پر کام شروع ہوگیا ہے۔
انہوں نے مزید کہا ہے کہ 13 اتحادی جماعتوں میں بندر بانٹ اور ن اور ش آمنے سامنے آگئی ہیں، آج عمران خان عوام میں ہیں اور اپوزیشن ٹوئٹ میں پھنسی ہوئی ہے۔
شیخ رشید نے اپنے ٹوئٹ کے آخر میں دعویٰ کیا ہے کہ عمران خان ستمبر کے آخری ہفتے فائنل کال دے گا اور ملک جام کردے گا۔
سوشل میڈیا پراتھارٹی بنانے،یوٹیوب کوبندکرنے،مخالف اینکروں کواٹھانے پرکام شروع ہوگیا ہے۔13اتحادی جماعتوں میں بندربانٹھ اورن اور ش آمنے سامنے آگئی ہیں۔عمران خان عوام میں ہیں اوراپوزیشن ٹویٹ میں پھنسی ہے۔رجیم چینج کے خلاف عمران خان ستمبر کےآخری ہفتے فائنل کال دے گااورملک جام کردے گا
— Sheikh Rashid Ahmed (@ShkhRasheed) August 22, 2022
