لاہور : پاکستان میں بغیر سینہ کھولے دل کا آپریشن کیا گیا، پروفیسرعقیل نے کہا کہ پورا سینہ کھولنے کی بجائے چھوٹا ساسوراخ کیا جاتا ہے اور اس میں کم سے کم خون کی ضرورت پڑتی ہے۔
تفصیلات کے مطابق پنجاب کے دارلحکومت لاہور کے شیخ زیداسپتال میں پہلی بار بغیر سینہ کھولے دل کا آپریشن کیا گیا، پاکستانی نژادامریکی پروفیسر ڈاکٹر فیاض حیدر ہاشمی کی سربراہی میں ٹیم نے آپریشن کیے۔
شیخ زیداسپتال میں بغیر سینہ کھولے 5 کامیاب آپریشن کیے گئے ، پروفیسرعقیل نے بتایا کہ آپریشن کے بعد معمول کی زندگی میں جلد واپسی ہو جاتی ہے اور پورا سینہ کھولنے کی بجائے چھوٹا ساسوراخ کیا جاتا ہے۔
پروفیسرعقیل کا کہنا تھا کہ آپریشن کانشان بہت معمولی ساہوتاہے اور بغیرسینہ کھولےدل کےآپریشن میں کم سےکم خون کی ضرورت پڑتی ہے۔
یاد رہے رواں ماہ ہی چلڈرن اسپتال لاہور میں پاکستانی ڈاکٹروں کا بڑا کارنامہ سامنے آیا تھا، جہاں چارہ کاٹنے والی ٹوکہ مشین سے کٹنے والے بچے کے دونوں ہاتھوں کی کامیاب سرجری کی گئی تھی۔
بصیر پور اوکاڑہ کے رہائشی 5 سالہ بچے کاشف کے دونوں ہاتھ الگ ہو گئے تھے۔ چلڈرن اسپتال میں 12 گھنٹے کے طویل آپریشن سے بچے کے دونوں ہاتھ جوڑ دیئے گئے۔
