شالیمار ایکسپریس کو حادثے سے بچانے والے گینگ مین کیلئے انعام کا اعلان کردیا گیا، مدد علی کو تعریفی سرٹیفکیٹ سے بھی نوازا جائے گا۔
سی ای او ریلوے عامر علی بلوچ نے مدد علی نامی گینگ مین کی کاوش کو سراہنے کے لیے انعامی رقم کا اعلان کیا، مدد علی کو 50 ہزار روپے کی انعام رقم سے نوازا جائے گا جبکہ ٹرین کو حادثے سے بچانے پر تعریفی سرٹیفکیٹ بھی دیا جائے گا۔
مدد علی نے ٹرین ڈرائیور کو ٹریک پر دوڑ کر خطرے سے خبردار کیا تھا، عامر علی بلوچ کی ہدایت پر گینگ مین کو ریلوے ہیڈکوارٹرز مدعو کرلیا گیا ہے۔
سی ای او ریلوے عامر علی بلوچ کا کہنا تھا کہ مدد علی ریلوے کا اصل چہرہ ہیں ان کی جرات کو سلام پیش کرتے ہیں۔
