شوبز انڈسٹری کی ابھرتی ہوئی اداکارہ شمین خان کا کہنا ہے کہ وہ ایکشن فلم کرنا چاہتی ہیں۔
اے آر وائی زندگی کے پروگرام ’دی نائٹ شو ود ایاز سموں میں اداکارہ شمین خان نے شرکت کی اور شوبز کیریئر سے متعلق اظہار خیال کیا۔
شمین خان نے کہا کہ سوشل میڈیا اتنا اچھا پلیٹ فارم بن چکا ہے کہ آپ اپنا ٹیلنٹ لوگوں کو دکھا سکتے ہیں۔
اداکارہ نے کہا کہ میری خواہش ہے کہ کوئی ایکشن فلم کروں جس میں اسلحہ چلانا ہوں، فائٹنگ کرنی ہو۔
شمین خان نے بتایا کہ کک باکسنگ سیکھ رہی ہوں، اداکار کو ورسٹائل ہونا چاہیے جسے کوئی بھی کردار ملے تو وہ ادا کرسکے۔
ایک سوال کے جواب میں شمین خان نے بتایا کہ اگر کوئی کچھ کہے تو بھائی کو فون کردیتی ہوں۔
واضح رہے کہ شمین خان سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
اداکارہ نے اس سے قبل بھی تصاویر شیئر کی تھیں جو وائرل ہوگئی تھیں۔
