جنوبی افریقی لیجنڈز جونٹی رہوڈز نے سوشل میڈیا پر ہونے والی ٹرولنگ پر ’شیم آن یو‘ لکھ کر ناقدین کو جواب دے دیا۔
جونٹی رہوڈز کی بنگلورو کے مقامی ہوٹل میں کھانا کھانے کی تصویر وائرل ہوئی تھی جس میں ان کے ساتھ بیٹھے شخص کو لوگوں نے ٹیکسی ڈرائیور سمجھ کر اس بات پر تنقید کا نشانہ بنایا تھا کہ سابق کرکٹر نے خود کھانا کھایا لیکن ڈرائیور کے لیے کچھ بھی آرڈر نہیں کیا۔
تصویر پر سوشل میڈیا صارفین نے حقائق جانے بغیر ٹرولنگ شروع کر دی اور کرکٹر کو ’تہذیب‘ کا درس دینے لگے۔
بغیر تحقیق کے تصویر پر غلط تبصرے شروع ہوئے تو جونٹی رہوڈرز نے حقائق بیان کر کے ناقدین کے منہ بند کر دیے۔
I have been sitting on this reply for a couple of days. The gentleman at my table is a stranger to me, and my driver was taking the picture. He did not eat, just ordered for me some of his favourite food. He just had tea, and yes, I did pay for it #shameonyou https://t.co/JPXphe60I3
— Jonty Rhodes (@JontyRhodes8) November 24, 2023
انہوں نے اپنے پیغام میں لکھا کہ میرے ساتھ ٹیبل پر بیٹھا شخص اجنبی ہے یہ تصویر میرے ڈرائیور نے ہی لی جو اپنی من پسند جگہ پر مجھے کھانا کھلانے لایا تھا، ڈرائیور نے کھانے کے بجائے چائے پی اور اس دوران تصویر لی، جب کہ اس آرڈر کے بل کی ادائیگی بھی میں نے خود کی۔
لیجنڈ افریقی کرکٹر نے پیغام کے ساتھ ناقدین کے لیے ’شیم آن یو‘ کا ہیش ٹیگ بھی استعمال کیا۔
