پاکستان کے نامور اداکار و ہدایت کار شمعون عباسی ہائی وے ایم 9 پر دورانِ سفر خطرناک ٹریفک حادثے بچ گئے۔
شمعون عباسی نے اپنے انسٹا گرام اکاؤنٹ سے ایک ویڈیو شیئر کی اور کیپشن میں لکھا: ’گزشتہ رات ہائی وے ایم 9 پر بڑے ٹریفک حادثے سے بچ گئے، اللہ کا شکر ہے کہ کسی کو چوٹ نہیں آئی۔‘
اداکار و ہدایت کار نے مزید لکھا کہ دورانِ سفر گاڑی میں آگ لگنے والی تھی مگر خوش قسمتی سے اسے گھر تک پہنچانے میں کامیاب ہوا، واقعہ گاڑی کا بریک فیل ہو جانے کی وجہ سے پیش آیا۔
View this post on Instagram
ویڈیو میں دیکھا جا سکتا ہے کہ شمعون عباسی کی گاڑی کے ٹائر سے سڑک پر رگڑ کھانے کی وجہ سے دھواں اٹھ رہا ہے۔
شمعون عباسی کے مداحوں سمیت اداکار فیصل قریشی نے حادثے سے بچ نکلنے پر اللہ تعالیٰ کا شکر ادا کیا۔ فیصل قریشی نے ویڈیو پر لکھا: ’اللہ کا شکر ہے کہ کوئی بڑا نقصان نہیں ہوا۔‘
Comments
- Advertisement -
