شوبز انڈسٹری کے معروف اداکار شمعون عباسی نے شیری شاہ سے شادی کرنے کی وجہ بیان کردی۔
اداکار شمعون عباسی نے حال ہی میں نجی ٹی وی کے شو میں شیری شاہ کے ساتھ شرکت کی اور اپنی شادی سے متعلق اظہار خیال کیا۔
شیری شاہ نے بتایا کہ میں نے شمعون کو شادی کے لیے پروپوز کیا تھا۔
شمعون عباسی نے بتایا کہ ’شیری شاہ سے شادی کرکے اپنے آپ کو خوش قسمت سمجھتا ہوں، میں گرل فرینڈ اور بوائے فرینڈ کلچر کا حصہ نہیں بننا چاہتا تھا کیونکہ اس سے مجھے گھبراہٹ محسوس ہوتی تھی۔
انہوں نے کہا کہ میں نے اپنی زندگی میں کئی بار گھر بسانے کی کوشش کی لیکن ہر بار ناکام ہوا پھر میری زندگی میں شیری آئیں، ہم دونوں پہلے ہی بہت اچھے دوست تھے۔
اداکارز نے مزید کہا کہ میں ہمیشہ ایسا ہمسفر چاہتا تھا جو میرے مسائل کو بیوی کے بجائے ایک دوسرے کے طور پر سمجھ سکے۔
واضح رہے کہ اداکار و پروڈیوسر شمعون عباسی کی پہلی شادی جویریہ عباسی سے ہوئی جس سے ان کی ایک بیٹی ہے جبکہ دوسری شادی اداکارہ حمائہ ملک سے کی تھی ان کی دونوں شادیاں ناکام ہوئی جس کے بعد انہوں نے تیسری شادی شیری شاہ سے کی ہے۔
