پی سی بی نے شان مسعود کو ٹیسٹ، شاہین آفریدی کو ٹی 20 کا کپتان مقرر کردیا۔
پاکستان کرکٹ بورڈ (پی سی بی) کی جانب سے سماجی رابطے کی ویب سائٹ ایکس (ٹوئٹر) پر قومی ٹیم کے نئے کپتان کے ناموں کا اعلان کیا گیا۔
پی سی بی کا کہنا ہے کہ شان مسعود کو ٹیسٹ ٹیم کا کپتان مقرر کیا گیا ہے۔
پی سی بی کا بتانا ہے کہ ’شاہین آفریدی ٹی 20 قومی ٹیم کی قیادت کے فرائض انجام دیں گے۔ جبکہ ون ڈے ٹیم کے کپتان کا فیصلہ بعد میں کیا جائے گا۔
Presenting our captains @shani_official has been appointed Test captain while @iShaheenAfridi will lead the T20I side. pic.twitter.com/wPSebUB60m
— Pakistan Cricket (@TheRealPCB) November 15, 2023
واضح رہے کہ قومی کرکٹر بابر اعظم نے تینوں فارمیٹ کی کپتانی چھوڑنے کا اعلان کیا اور لکھا کہ تمام فارمیٹ کی کپتانی سے دستبردار ہورہا ہوں۔
انہوں نے کہا کہ فیصلہ کرنا مشکل تھا لیکن یہی درست وقت ہے۔
بابر اعظم نے لکھا کہ پاکستان کے لیے تینوں فارمیٹ بطور کھلاڑی کھیلتا رہوں گا، پی سی بی نے جو مواقع دیے اس کا شکریہ ادا کرتا ہوں۔
