لاہور: قومی ٹیم کے کپتان شان مسعود کو پی سی بی سینٹرل کنٹریکٹ میں ترقی دیدی گئی ہے۔
تفصیلات کے مطابق قومی کرکٹ ٹیم کے ٹیسٹ کپتان بنانے کے بعد پاکستان کرکٹ بورڈ نے شان مسعود کے سینٹرل کنٹریکٹ کو اپ گریڈ کر کے ڈی سے بی کیٹگری میں کر دیا گیا۔
پاکستان کرکٹ بورڈ کی پالیسی کے مطابق قوم ٹیم کی کپتانی کرنیوالے کھلاڑی کی کیٹگری بی کردی جاتی ہے۔
- Advertisement -
شان مسعود کو 15 نومبر کو پاکستان ٹیسٹ ٹیم کا کپتان مقرر کیاگیا تاہم اب وہ آئی سی سی ورلڈ ٹیسٹ چیمپئن شپ 25-2023 تک ٹیسٹ ٹیم کے کپتان رہیں گے۔
واضح رہے کہ ٹیسٹ کرکٹ ٹیم کے کپتان شان مسعود آسٹریلیا کے خلاف 14 دسمبر سے شروع ہونے والی آئندہ تین میچوں کی سیریز میں بطور کپتان اپنی پہلی اسائنمنٹ میں پاکستان کی قیادت کریں گے۔
