ویسٹ انڈیز سے شکست کے بعد پاکستان ٹیم کے کپتان شان مسعود ایک صحافی نے سوال کیا تو انہوں نے ٹیم کے لیے نیب کی مثال دے ڈالی۔
ملتان میں ویسٹ انڈیز سے دوسرے ٹیسٹ میچ میں 120 رنز کی شکست کے بعد جب پاکستانی کپتان شان مسعود پریس کانفرنس کے لیے آئے تو ایک صحافی کے سوال پر غصے میں آ گئے۔
صحافی نے سیدھا سا سوال کیا کہ آپ اس شکست کا ذمہ دار کس کو سمجھتے ہیں۔ اس سوال پر شان مسعود نے انوکھا جواب دیتے ہوئے کہا کہ یہ کوئی احتساب بیورو (نیب) نہیں کہ ایک کھلاڑی کو قصور وار ٹھہرایا جائے۔
پاکستانی کپتان نے شکست کے بعد ٹیم پر تنقید کرنے والوں پر طنز کرتے ہوئے کہا کہ میں بھی گوگل کھول کر تنقید کر سکتا ہوں۔
انہوں نے کہا کہ جانتا ہوں کہ میچ میں غلطیاں کیں۔ ہماری کوشش ہوتی ہے کہ پاکستان کے لیے میچ جیتیں لیکن ایسی پچز پر بیٹنگ کرنا آسان نہیں ہوتا۔
شان مسعود نے دوسرے ٹیسٹ میچ میں ناکامی کا ذمہ دار کس کو قرار دیا؟
