پاکستان کرکٹ ٹیم کے اوپنر بیٹر شان مسعود کو کاؤنٹی چیمپئن شپ میں عمدہ کارکردگی کا صلہ مل گیا۔
تفصیلات کے مطابق شان مسعود نے انگلش کاؤنٹی چیمپئن شپ میں پروفیشنل کرکٹرز ایسوسی ایشن کا پلیئر آف دی منتھ ایوارڈ اپنے نام کرلیا ہے، انگلش کاؤنٹی چیمپئین شپ ڈربی شائر کی نمائندگی کرنے والے شان مسعود نے تین میچوں میں 713 رنز 118.83 کی اوسط سے اسکور کیے، جس میں انکی ایک ڈبل سینچری بھی شامل تھی۔
پروفیشنل کرکٹرز ایسوسی ایشن پلئیر آف دی منتھ ایوارڈز کے لیے شان مسعود کے علاوہ ہیمپشائر کے کیتھ بارکر، یاکشائر کے ہیری بروک جبکہ کینٹ کاؤنٹی کلب کے بین کامٹن کو بھی شاندار پرفارمنس پر منتخب کیا گیا تھا تاہم شان مسعود نے 129.34 پوائنٹس کے ساتھ 46 فیصد ووٹ حاصل کرکے موسٹ ویلیو ایبل پلیئر رینکنگ میں پہلا مقام حاصل کیا۔
تاریخی موقع پر شان مسعود کا کہنا تھا کہ کاؤنٹی چیمپئن شپ کھلاڑی کو بہترین ماحول مہیا کرتی ہے ، یہ کھلاڑی منحصر پر ہوتا ہے کہ وہ کاؤنٹی کرکٹ کا اپنے کیریئر میں کتنا فائدہ اٹھاتا ہے۔
قومی ٹیم کے اوپنر بیٹر نے کہا کہ گزشتہ دو سال میں کئی مشکلات کا سامنا کرنا پڑا، چھوٹی بہن کے بچھڑ جانے نے زندگی میں بہت کچھ سکھایا، میں نے خود پر پریشر کو حاوی کرنا چھوڑ دیا ہے اور کرکٹ انجوائے کرتاہوں۔
شان مسعود کا مزید کہنا تھا کہ مارنس لبوشین کی کاؤنٹی چیمپئن شپ میں بہترین پرفارمنس ایک مثال ہے اور بیٹنگ کے حوالے سے ان سے بات چیت کرتا رہتا ہوں۔
https://twitter.com/PCA/status/1523642165418598401?ref_src=twsrc%5Etfw%7Ctwcamp%5Etweetembed%7Ctwterm%5E1523642165418598401%7Ctwgr%5E%7Ctwcon%5Es1_c10&ref_url=https%3A%2F%2Fcricketpakistan.com.pk%2Fen%2Fnews%2Fdetail%2Fshan-masood-wins-pcas-player-of-the-month-award
