شین ڈاؤرچ نے 32 سال کی عمر میں انٹرنیشنل ریٹائرمنٹ کا اعلان کر دیا۔
ویسٹ انڈیز کے سابق وکٹ کیپر بلے باز شین ڈاؤرچ نے بین الاقوامی کرکٹ سے ریٹائرمنٹ لے لی ہے اور وہ انگلینڈ کے خلاف ایک روزہ بین الاقوامی سیریز کے لیے ٹیم سے دستبردار ہو گئے ہیں۔
ڈاؤرچ نے اپنے آخری ٹیسٹ کھیلنے کے تین سال بعد اور اپنے واحد ون ڈے میں شرکت کے چار سال بعد اس ماہ ویسٹ انڈیز کے اسکواڈ میں حیرت انگیز طور پر واپسی کی تھی۔
32 سالہ کھلاڑی نے 35 ٹیسٹ کھیلے جس میں 1570 رنز بنائے۔ انہوں نے بطور وکٹ کیپر 85 کیچز اور پانچ اسٹمپنگ بھی کیے۔
کرکٹ بورڈ کا کہنا ہے کہ ہم شین کا شکریہ ادا کرنا چاہتے ہیں جب وہ ویسٹ انڈیز کے لیے کھیلے وہ ایک نظم و ضبط اور محنتی کرکٹر رہے جس نے ہمیشہ اسٹمپ کے آگے اور پیچھے اپنی بھرپور کوشش کرتے رہے۔
ان کا کہنا تھا کہ ہم ان کے ریٹائرمنٹ کے فیصلے کا احترام کرتے ہیں اور ان کے لیے نیک خواہشات کا اظہار کرتے ہیں کیونکہ وہ بین الاقوامی اسٹیج سے دور ہو رہے ہیں۔
