سابق آسٹریلوی کرکٹر شین وارن نے اپنی موت سے چند دن قبل ٹویٹر پر ایک خواہش کا اظہار کیا جس کی تکمیل کے لیے انہوں نے کوششیں بھی شروع کردی تھیں۔
آسٹریلیا کے لیجنڈری اسپنر شین وارن 4 مارچ کو دل کا دورہ پڑنے سے 52 سال کی عمر میں چل بسے، سابق کرکٹر کے انتقال کی خبر نے ان کے چاہنے والوں اور ساتھی کرکٹرز کو افسردہ کردیا۔
شین وارن نے رواں سال جولائی تک اپنی زندگی میں کچھ تبدیلیوں کا ارادہ کیا تھا جس کی اطلاع انہوں نے اپنے مداحوں کو بھی دی تھی۔
مزید پڑھیں: شین وارن کی موت پر تھائی پولیس کا بیان آگیا
سابق کرکٹر نے 28 فروری کو پیغام میں لکھا تھا کہ خود کو دوبارہ فٹ اور تندرست کرنے کے لیے ایکسرسائز شروع کردی ہے جس کا دسواں روز ہے۔
انہوں نے بتایا تھا کہ میرا ہدف ہے کہ جولائی تک ماضی کی طرح وزن کم کرکے بالکل فٹ ہوجاؤں، شین وارن نے اسی سے متعلق اپنی ماضی کی تصویر بھی شیئر کی تھی۔
Operation shred has started (10 days in) & the goal by July is to get back to this shape from a few years ago ! Let’s go 💪🏻👏🏻 #heathy #fitness #feelgoodfriday pic.twitter.com/EokgT2Hyhz
— Shane Warne (@ShaneWarne) February 28, 2022
